T20 World Cup 2024 (IND vs USA) : पाकिस्तानला पराभूत केल्यानंतर आता भारत आणि अमेरिका आमनेसामने येणार आहेत. हा सामना 12 जून रोजी न्यूयॉर्कमधील नासाऊ काउंटी स्टेडियमवर होणार आहे.

टी-20 विश्वचषक स्पर्धेतील अ गटातील सामने रोचक झाले आहेत. भारत आणि अमेरिका प्रत्येकी 2 सामने जिंकून अव्वल स्थानावर आहेत. त्याचवेळी पाकिस्तान खूप मागे पडला. त्यांचा पुढचा सामना 11 जून रोजी कॅनडाशी असेल, ज्यात त्यांना कोणत्याही किंमतीत जिंकणे आवश्यक आहे. म्हणजे पाकसाठी करो या मरोची स्थिती असणार आहे.

येथे, अ गटात अद्याप अपराजित असलेले भारत आणि अमेरिका 12 जूनला आमने-सामने येतील. हा सामना खूपच चुरशीचा असेल कारण या अमेरिकन संघाने पाकिस्तानचा पराभव केला आहे. आता भारताचा सामना त्याच संघाशी होणार आहे.

फलंदाजी आणि गोलंदाजीत अमेरिका मजबूत…

अमेरिकेने टी-20 विश्वचषक स्पर्धेत आतापर्यंत 2 सामने खेळले आहेत आणि संघाच्या फलंदाजी आणि गोलंदाजी विभागाने दोन्ही सामन्यांमध्ये चांगली कामगिरी केली आहे. प्रथम फलंदाजीबद्दल बोलायचे झाले तर कर्णधार मोनांक पटेल, आरोन जोन्स आणि अँड्र्यू गॉस चांगली फलंदाजी करत आहेत. त्याचबरोबर गोलंदाजीत सौरभ नेत्रावलकर आणि भारतीय वंशाचे नोष्टुश किंजगे यांनी चांगली गोलंदाजी केली. हे दोन्ही गोलंदाज पाकिस्तानविरुद्ध घातक ठरले होते.

T20 World Cup 2024 : आयसीसीच्या ‘या’ नियमामुळे बांगलादेशचा झाला पराभव, ‘हा’ नियम इतर संघांसाठीही ठरू शकतो घातक…

भारताविरुद्ध कोण धोकादायक?

भारताचा पुढील सामना 12 जूनला अमेरिकेशी होणार आहे. अमेरिकेकडून या सामन्यात स्वतः कर्णधार मोनांक पटेल भारतासाठी धोकादायक ठरू शकतो. पाकिस्तानी गोलंदाजीविरुद्ध त्याने अर्धशतक झळकावले आहे. आरोन जोन्स देखील टीम इंडियासाठी अडचणीचा ठरू शकतो. कॅनडाविरुद्ध आरोन जोन्सने नाबाद 94 धावांची खेळी केली होती. तसेच या सामन्यात त्याने अवघ्या 22 चेंडूत अर्धशतक पूर्ण केले. त्याचबरोबर डावखुरा वेगवान गोलंदाज सौरभ नेत्रावळकर गोलंदाजीत घातक ठरू शकतो. त्याने पाकिस्तानी फलंदाजांविरुद्ध 3 बळी घेतले आणि सुपर ओव्हरमध्ये 19 धावा होऊ दिल्या नाहीत.