Sunetra Pawar : राष्ट्रवादी काँग्रेस (अजित पवार गट) च्या अध्यक्षा व महाराष्ट्राच्या उपमुख्यमंत्री सुनेत्रा पवार (Sunetra Pawar) आज दिल्लीत पोहोचल्या आहेत. उद्या त्या केंद्रीय गृहमंत्री अमित शहा यांची भेट घेणार असून, NDA नेत्यांशीही चर्चा करणार असल्याची माहिती समोर आली आहे. या भेटीमागील (Sunetra Pawar) नेमके कारण अद्याप अधिकृतरीत्या स्पष्ट झालेले नसले तरी, राज्यातील बदललेल्या राजकीय समीकरणांवर आणि महत्त्वाच्या मुद्द्यांवर चर्चा होण्याची शक्यता वर्तवली जात आहे. अजित पवार यांच्या अपघाती निधनानंतर (२८ जानेवारी २०२६ रोजी बारामती येथे विमान अपघातात) महाराष्ट्राच्या राजकारणात लक्षणीय बदल झाले आहेत. सुनेत्रा पवार यांनी उपमुख्यमंत्री पदाची शपथ घेतल्यानंतर आता त्यांच्या दिल्ली दौऱ्याकडे सर्वांचे लक्ष लागले आहे. अर्थखात्यावर चर्चेची शक्यता अजित पवार यांच्या निधनानंतर अर्थखाते सध्या मुख्यमंत्री देवेंद्र फडणवीस यांनी स्वतःकडे ठेवले आहे. मात्र, महायुतीतील जागावाटपात हे खाते राष्ट्रवादी काँग्रेसच्या वाट्याला आले होते. त्यामुळे या भेटीत अर्थखात्याच्या वाटपाबाबत चर्चा होण्याची मजबूत शक्यता आहे. सुनेत्रा पवार या मुद्द्यावर NDA नेत्यांसोबत विचारविनिमय करतील, असे सूत्रांनी सांगितले. Sunetra Pawar बारामती पोटनिवडणुकीत सुनेत्रा पवार उमेदवार? अजित पवार यांच्या निधनामुळे बारामती विधानसभा जागा रिक्त झाली आहे. या पोटनिवडणुकीसाठी सुनेत्रा पवार उमेदवारी लढवणार असल्याचे संकेत मिळत आहेत. पोटनिवडणूक बिनविरोध करण्यासाठी प्रयत्न सुरू असल्याचेही बोलले जात आहे. निवडणूक आयोगाने या पोटनिवडणुकीची तारीख जाहीर केली असून, २३ एप्रिलला मतदान होणार आहे. काँग्रेस अध्यक्ष खरगे यांचीही भेट? सुनेत्रा पवार (Sunetra Pawar) केंद्रीय गृहमंत्री अमित शहा यांच्याबरोबरच काँग्रेस अध्यक्ष मल्लिकार्जुन खरगे यांचीही भेट घेणार असल्याची माहिती सूत्रांनी दिली आहे. मात्र, या भेटीचे स्वरूप आणि उद्देश याबाबत अद्याप स्पष्टता नाही.