Maharashtra Politics : राज्यातील राजकीय वर्तुळात राज्यसभेच्या रिक्त जागेवरून नव्या चर्चांना उधाण आले आहे. राष्ट्रवादी काँग्रेस (अजित पवार गट) कडून या जागेसाठी ज्येष्ठ नेते छगन भुजबळ यांच्या नावावर शिक्कामोर्तब होण्याची शक्यता व्यक्त केली जात आहे. (Maharashtra Politics)

मिळालेल्या माहितीनुसार, उपमुख्यमंत्री सुनेत्रा पवार यांनी रिक्त झालेल्या राज्यसभा जागेवर पक्षातील वरिष्ठ नेत्याला संधी मिळावी, अशी भूमिका मांडली आहे. त्यानंतर भुजबळ यांच्या नावाची चर्चा अधिक जोर धरू लागली आहे. (Maharashtra Politics)

राज्यसभा जागा का रिक्त झाली?

सुनेत्रा पवार यांनी उपमुख्यमंत्रिपदाची जबाबदारी स्वीकारल्यानंतर राज्यसभेच्या सदस्यत्वाचा राजीनामा दिला होता. त्यामुळे रिक्त झालेल्या जागेसाठी १८ जून रोजी मतदान होणार आहे. या निवडणुकीसाठी राष्ट्रवादी काँग्रेसकडून छगन भुजबळ यांचे नाव आघाडीवर असल्याचे बोलले जात आहे. (Maharashtra Politics)

समीर भुजबळांना मंत्रिपदाची संधी?   (Maharashtra Politics)

 

जर छगन भुजबळ यांची राज्यसभेवर निवड झाली, तर राज्य मंत्रिमंडळातील त्यांच्या जागेवर कोणाची वर्णी लागणार याकडेही राजकीय वर्तुळाचे लक्ष लागले आहे. याच पार्श्वभूमीवर समीर भुजबळ यांना मंत्रिमंडळात संधी देण्याबाबत पक्षाच्या वरिष्ठ स्तरावर चर्चा सुरू असल्याची माहिती समोर येत आहे. उत्तर महाराष्ट्र आणि विशेषतः नाशिक परिसरातील राजकीय समीकरणे लक्षात घेता त्यांना मंत्रिपद दिल्यास पक्षाची पकड अधिक मजबूत होऊ शकते, असा अंदाज व्यक्त केला जात आहे. (Maharashtra Politics)

अंतिम निर्णयाकडे सर्वांचे लक्ष   (Maharashtra Politics)

सध्या छगन भुजबळ यांच्या राज्यसभा उमेदवारीबाबत आणि समीर भुजबळ यांच्या संभाव्य मंत्रिपदाबाबत अधिकृत घोषणा झालेली नाही. मात्र राष्ट्रवादी काँग्रेसच्या गोटात या दोन्ही घडामोडींवर जोरदार चर्चा सुरू असून येत्या काही दिवसांत मोठा राजकीय निर्णय होण्याची शक्यता वर्तवली जात आहे. (Maharashtra Politics)