Accident News : सोलापूर आणि जळगाव जिल्ह्यात आज झालेल्या दोन वेगवेगळ्या भीषण अपघातांमध्ये एकूण चार जणांचा मृत्यू झाल्याने हळहळ व्यक्त केली जात आहे. या घटनांमुळे परिसरात शोककळा पसरली आहे. (Accident News) सोलापूर जिल्ह्यातील अक्कलकोट-गाणगापूर महामार्गावर एसटी बस आणि डंपर यांच्यात जोरदार धडक झाली. अक्कलकोट तालुक्यातील रुद्देवाडी गावाजवळ घडलेल्या या अपघातात चंद्रभागा लाडप्पा हडपद (वय १८) आणि धाराशिव जिल्ह्यातील चांगदेव श्रीरंग लवटे (वय ७६) यांचा जागीच मृत्यू झाला. (Accident News) मुरूमने भरलेल्या डंपरने बसला जोरदार धडक दिल्यानंतर वाहनाने पेट घेतल्याने परिस्थिती अधिक भीषण झाली. अपघातात बसच्या पुढील भागाचे मोठे नुकसान झाले असून काही प्रवासी गंभीर जखमी, तर काहींना किरकोळ दुखापत झाली आहे. मृतदेह शवविच्छेदनासाठी शासकीय रुग्णालयात पाठवण्यात आले आहेत. (Accident News) दरम्यान, जळगाव जिल्ह्यातील जामनेर महामार्गावर तोरणाळा स्मशानभूमीजवळ झालेल्या अपघातात पती-पत्नीचा दुर्दैवी मृत्यू झाला. गोपाल वासुदेव खडके (वय ५०) आणि सोनाली गोपाल खडके (वय ४५, रा. सातबारा) हे दुचाकीवरून घरी परतत असताना त्यांच्या वाहनाचा ताबा सुटल्याने समोरील ट्रॅक्टरला मागून धडक बसली. (Accident News) या भीषण अपघातात दोघांचाही जागीच मृत्यू झाला. मात्र, त्यांच्यासोबत असलेली एक वर्षाची चिमुकली मुलगी सुदैवाने बचावली. घटनेची माहिती मिळताच स्थानिकांनी घटनास्थळी धाव घेतली. पोलिसांनी पंचनामा करून पुढील तपास सुरू केला असून, या दुर्दैवी घटनांमुळे दोन्ही जिल्ह्यांत शोककळा पसरली आहे. (Accident News)