soha ali khan : शाही घराण्यातील प्रसिद्ध बॉलिवूड अभिनेत्री सोहा अली खानने दिवाळीच्या आधी घराची साफसफाई करण्याचा एक अनोखा आणि मजेदार मार्ग दाखवला आहे.

तिने रविवारी आपल्या इंस्टाग्रामवर एक व्हिडिओ शेअर केला, ज्यात ती जिममध्ये वर्कआउट करतानाच साफसफाईही करताना दिसत आहे.म्हणजेच फिटनेस आणि सफाई, दोन्ही एकाच वेळी!

सफाई आणि एक्सरसाइज दोन्ही एकत्र

व्हिडिओमध्ये सोहा जिममधील काच पुसताना हातांचा व्यायाम करताना दिसते.
ती दोन्ही हातात कपडे घेऊन काच वरून खाली पुसते आणि त्याचवेळी तिची अपर बॉडी एक्सरसाइजही पूर्ण करते.
तिने या व्हिडिओसोबत लिहिले आहे की,“एका वेळी दोन कामं पूर्ण! जिमची सफाई आणि स्वतःचा वर्कआउट!”

यानंतर ती जमिनीवर कपडा ठेवून पायांनी सरकवत जिमचा फ्लोअर साफ करताना दिसते म्हणजेच मॉपिंग एक्सरसाइज!
तिच्या या दिवाळी क्लिनिंग हॅक्सला सामान्य लोकांपासून ते बॉलिवूड स्टार्सपर्यंत सर्वांनी पसंती दिली आहे. कमेंट बॉक्समध्ये तिच्या क्रिएटिव्ह आयडियाचं कौतुक होत आहे.

सोशल मीडियावर व्हिडिओ व्हायरल

सोहाने व्हिडिओ शेअर करताना कॅप्शन दिलं आहे, “दिवाळीपूर्वी थोडीशी साफसफाई जिममध्येच केली… काच पुसली, जमिन साफ केली आणि कॅलरीही बर्न केल्या! जेव्हा एक्सरसाइज इतकी मजेदार असेल, तेव्हा व्हॅक्यूम क्लिनरची काय गरज?”

 

View this post on Instagram

 

A post shared by Soha (@sakpataudi)

हा व्हिडिओ सोशल मीडियावर जोरात व्हायरल होत असून लाखो लोकांनी पाहिला आहे.

सोहा अली खानचा फिल्मी प्रवास

सोहा अली खानने 2004 साली शाहिद कपूरसोबत ‘दिल मांगे मोर’ या चित्रपटातून बॉलिवूडमध्ये पदार्पण केलं.
त्यानंतर ती ‘रंग दे बसंती’, ‘आहिस्ता आहिस्ता’, ‘मुंबई मेरी जान’, ‘साहेब, बीवी और गैंगस्टर’, ‘घायल वन्स अगेन’ यांसारख्या अनेक चित्रपटांमध्ये दिसली.
तिचा अलीकडचा चित्रपट ‘छोरी 2’ होता, तर याआधी ती ‘हश हश’ आणि ‘कौन बनेगी शिखरवती’ या वेब सिरीजमध्ये झळकली होती.

सोहा अली खानने दाखवलेला हा फिटनेससह सफाईचा अनोखा मार्ग अनेकांसाठी प्रेरणादायी ठरत आहे.
दिवाळीपूर्वीची थकवणारी साफसफाईही मजेदार आणि आरोग्यदायी बनवण्याची ही तिची आयडिया सोशल मीडियावर सर्वांना भुरळ घालत आहे.