Soha Ali Khan: बॉलिवूड अभिनेत्री सोहा अली खान सोशल मीडियावर नेहमीच सक्रिय असते. ती आपल्या चाहत्यांसोबत वैयक्तिक आयुष्यातील अनेक खास क्षण शेअर करत असते. नुकतीच सोहा अली खान (Soha Ali Khan) पुन्हा चर्चेत आली आहे. यावेळी कारण आहे तिच्या मुलीने लिहिलेल्या घरातील खास नियमांची यादी. सोहाने सोशल मीडियावर आपली मुलगी इनाया नौमी खेमूने हाताने लिहिलेला एक गोड नोट शेअर केला आहे, जी सध्या सोशल मीडियावर मोठ्या प्रमाणात चर्चेत आहे. अलीकडेच सोहा अली खान दूरचित्रवाणी अभिनेत्री कृतिका कामरा आणि गौरव कपूर यांच्या लग्नसमारंभाला उपस्थित होती. त्यानंतर तिने आपल्या सोशल मीडिया अकाउंटवर एक खास पोस्ट शेअर केली. या पोस्टमध्ये तिची मुलगी इनाया नौमी खेमूने घरासाठी तयार केलेल्या काही नियमांची यादी दिसते. सोहाने ही स्टोरी शेअर करत लिहिले की, “आमच्या घरातील काही चांगले नियम.” Soha Ali Khan सोहा अली खानची मुलगी इनाया सध्या ९ वर्षांची आहे. ती अनेकदा आईसोबत सोशल मीडियावर दिसते. तिच्या निरागस स्वभावामुळे आणि गोड कृतींमुळे चाहत्यांना ती खूप आवडते. यावेळीही इनायाने तयार केलेल्या नियमांमुळे लोकांचे लक्ष वेधले आहे.Soha Ali Khan इनायाने हाताने लिहिलेल्या या नोटमध्ये घरासाठी काही महत्त्वाचे नियम लिहिले आहेत. या यादीत एकूण आठ नियम दिलेले आहेत. हे नियम वाचल्यानंतर अनेकांनी सोशल मीडियावर इनायाचे कौतुक केले आहे. इनायाने लिहिलेल्या नियमांमध्ये काही साधे पण महत्त्वाचे संदेश दिले आहेत. त्यानुसार घरातील जिन्यावर धावू नये, कोणतीही वस्तू हाताळण्यापूर्वी परवानगी घ्यावी आणि घरात पसारा केल्यास तो स्वतः साफ करावा असे सांगितले आहे. तसेच खेळताना इतरांनाही सहभागी करून घ्यावे आणि प्रत्येकाशी प्रेमाने वागावे असेही तिने लिहिले आहे. याशिवाय कोणालाही दुखावू नये, असा संदेशही या नोटमध्ये दिला आहे. Soha Ali Khan and daughter या नोटमध्ये एक मजेशीर नियमही आहे. त्यात इनायाने लिहिले आहे की, “परवानगीशिवाय येथे राहात असाल तर ओरिओला हात लावू नका.” या ओळीमुळे अनेकांना हसू आले आणि सोशल मीडियावर या पोस्टला भरपूर प्रतिसाद मिळाला. सोहा अली खान आपल्या वैयक्तिक आयुष्यातील छोट्या-छोट्या गोष्टी चाहत्यांसोबत शेअर करत असते. तिच्या मुलीसोबतचे फोटो आणि व्हिडिओही ती नेहमी पोस्ट करत असते. यामुळे तिचे चाहते तिच्या कौटुंबिक आयुष्याशीही जोडले गेले आहेत. इनायाने तयार केलेल्या या नियमांमधून मुलांना लहानपणापासून शिस्त, आदर आणि प्रेमाचे मूल्य शिकवले जाऊ शकते, असे अनेकांनी म्हटले आहे. साधे आणि गोड शब्दांत लिहिलेली ही नियमांची यादी सोशल मीडियावर अनेकांना आवडली असून सध्या ती चांगलीच व्हायरल होत आहे.