Singapore Open Badminton : सिंगापूर ओपनमध्ये भारतीय शटलर्सचा धुमाकूळ! सिंधू, लक्ष्य आणि सात्विक-चिरागची क्वार्टर फायनलमध्ये धडक
Singapore Open 2026 : सिंगापूर ओपन २०२६ बॅडमिंटन स्पर्धेत गुरुवारचा दिवस भारतीय क्रीडाप्रेमींसाठी अत्यंत आनंदाचा आणि अभिमानाचा ठरला.
Singapore Open 2026 Badminton Results : सिंगापूर ओपन २०२६ बॅडमिंटन स्पर्धेत गुरुवारचा दिवस भारतीय क्रीडाप्रेमींसाठी अत्यंत आनंदाचा आणि अभिमानाचा ठरला. भारताची स्टार शटलर पी. व्ही. सिंधू, युवा स्टार लक्ष्य सेन आणि जागतिक कीर्तीची सात्विकसाईराज रंकीरेड्डी – चिराग शेट्टी या पुरुष दुहेरीच्या जोडीने आपापल्या सामन्यात शानदार विजय मिळवत क्वार्टर फायनलमध्ये (उपांत्यपूर्व फेरीत) धडक मारली आहे. मिश्र दुहेरीतही तनीषा क्रास्टो आणि ध्रुव कपिला या जोडीने खळबळजनक विजय नोंदवत टॉप-८ मध्ये स्थान मिळवले.
पी. व्ही. सिंधूची अवघ्या ३७ मिनिटांत एकतर्फी मात!
दोन वेळच्या ऑलिम्पिक पदक विजेत्या पी. व्ही. सिंधूने स्पर्धेत आपली उत्कृष्ट लय कायम ठेवली आहे. तिने महिला एकेरीच्या सामन्यात जपानच्या रिको गुंजी हिचा अवघ्या ३७ मिनिटांत २१-९, २१-१२ असा सरळ गेममध्ये पराभव केला. पहिल्या फेरीतील इंडोनेशियाच्या खेळाडूला हरवल्यानंतर सिंधूने जपानच्या खेळाडूला सामन्यात जराही डोकं वर काढण्याची संधी दिली नाही. मात्र, क्वार्टर फायनलमध्ये तिची गाठ थेट जगातील नंबर १ खेळाडू आणि ऑलिम्पिक चॅम्पियन अॅन से-यंग हिच्याशी पडणार आहे. आजवर झालेल्या ८ लढतींमध्ये सिंधूला अॅन से-यंगला कधीही हरवता आलेले नाही, त्यामुळे हा सामना अत्यंत आव्हानात्मक असेल.
FOUR INDIANS INTO THE QUARTER-FINALS 🇮🇳🔥
A brilliant day for India at the Singapore Open 2026 as PV Sindhu, Satwik-Chirag, Dhruv-Tanisha and Lakshya Sen book their spots in the last eight. 👏
Prannoy fought hard but bowed out in three games against Loh Kean Yew.… pic.twitter.com/jtyndKDDVN
— IndiaSportsHub (@IndiaSportsHub) May 28, 2026
सात्विक-चिरागची कडवी झुंज; लक्ष्य सेनला ‘वॉकओव्हर’!
पुरुष दुहेरीत चौथी मानांकित भारतीय जोडी सात्विक आणि चिरागला विजयासाठी चांगलाच घाम गाळावा लागला. त्यांनी चिनी तैपेईच्या ली झे-हुई आणि यांग पो-ह्सुआन जोडीचा २१-१५, ११-२१, २१-१८ असा तीन गेमपर्यंत चाललेल्या अटीतटीच्या सामन्यात पराभव केला. आता सेमीफायनलसाठी त्यांचा सामना मलेशियाच्या जोडीशी होईल.
📸 R16 Photodump. 🇸🇬🏸
A spectacular day for India at the KFF Singapore Open 2026. Dominant wins, massive comebacks, and pure fighting spirit to lock in those Quarterfinal spots! 🔥💪
📸 @badmintonphoto pic.twitter.com/ENL2BN7tRS
— BAI Media (@BAI_Media) May 28, 2026
दुसरीकडे, लक्ष्य सेनच्या सामन्यात एक वेगळीच नाट्यमय परिस्थिती पाहायला मिळाली. थायलंडच्या कुनलावुत विटिडसर्नने सामना सुरू झाल्यावर अवघ्या दोन अंकांनंतर दुखापतीमुळे किंवा वैयक्तिक कारणास्तव सामन्यातून माघार घेतली (वॉकओव्हर दिला). त्यामुळे लक्ष्य सेनला थेट क्वार्टर फायनलचे तिकीट मिळाले, जिथे तो जपानच्या कोकी वतनबेचा सामना करेल.
मिश्र दुहेरीत भारताचा सर्वात मोठा उलटफेर!
🇮🇳 What makes the comeback by Dhruv Kapila & Tanisha Crasto at the Singapore Open 2026 so impressive isn’t just the scoreline rather it’s the tactical evolution mid-match. 🧠🏸
After getting blown away 8-21 in Game 1 by Yuta Watanabe / Maya Taguchi, the Indian pair completely… pic.twitter.com/KCJUrH6znc
— myKhel.com (@mykhelcom) May 28, 2026
दिवसातील सर्वात मोठा चमत्कार मिश्र दुहेरीच्या सामन्यात घडला. भारताच्या तनीषा क्रास्टो आणि ध्रुव कपिला जोडीने जपानच्या माया तागुची आणि युटा वातानाबे विरुद्ध पहिला गेम ८-२१ असा अत्यंत वाईट पद्धतीने गमावला होता. मात्र, त्यानंतर भारतीय जोडीने अप्रतिम डिफेन्स आणि आक्रमक नेट प्लेच्या जोरावर जोरदार पुनरागमन करत पुढील दोन्ही गेम २१-१७, २१-१६ असे जिंकून जपानी जोडीला स्पर्धेतून बाहेरचा रस्ता दाखवला.
