पुणे-बंगलोर राष्ट्रीय महामार्गावर शिवसैनिकांनी आक्रमक; कर्नाटकच्या वाहनांच्या नंबरप्लेट वर फासलं काळं, तर काचेवर लिहलं जय महाराष्ट्र
– सतेज औंधकर
कोल्हापूर – बेंगलोर येथे छत्रपती शिवाजी महाराजांच्या पुतळ्याची विटंबना केल्याच्या निषेधार्थ कोल्हापुरात शिवसेना आक्रमक झाली आहे. शिवसेनेचे जिल्हाप्रमुख संजय पवार आणि विजय देवणे यांच्या नेतृत्वाखाली पुणे-बेंगलोर राष्ट्रीय महामार्ग रोखण्यात आला. तसेच कर्नाटकच्या ट्रकच्या भगव्या रंगाने काचेवर जय महाराष्ट्र लिहलं तर नंबर प्लेट वर काळं फासलं.
यावेळी शिवसैनिकांनी कर्नाटक सरकारच्या विरोधात जोरदार घोषणाबाजी केली. यावेळी कोणताही कायदा व सुव्यवस्थेचा प्रश्न निर्माण होऊ नये म्हणून अतिरिक्त पोलीस अधीक्षक तिरुपती काकडे, पोलीस उपाधीक्षक मंगेश चव्हाण यांच्यासह पोलिसांचा मोठा बंदोबस्त तैनात करण्यात आला होता.
यावेळी शिवसेनेच्या आक्रमक कार्यकर्त्यांनी कर्नाटकच्या दोन ट्रक ना लक्ष करत काचेवर जय महाराष्ट्र लिहित नंबर प्लेट वरती काळं फासलं. यावेळी आक्रमक कार्यकर्त्यांना पोलिसांनी ताब्यात घेऊन गांधीनगर पोलिसात घेऊन गेले. दरम्यान आंदोलनामुळे झालेली वाहतुकीची कोंडी महामार्ग पोलिसांनी जवळपास दीड तासांपेक्षा अधिक काळ केलेल्या प्रयत्नानंतर पूर्ववत झाली.
