Shikrapur Accident – शिक्रापूर (ता. शिरूर) येथील शिक्रापूर चाकण महामार्गावर जातेगाव खुर्द येथे रस्त्याच्या कडेला बंद अवस्थेत उभ्या असलेल्या ट्रेलरला पाठीमागून धडकून टेम्पो चालकाचा मृत्यू झाला. असून शिक्रापूर पोलीस स्टेशन येथे टेम्पो चालकावर गुन्हा दाखल केला आहे. कृष्णा गोकुळ जोहरे (वय. ३६, सध्या रा. खराबवाडी चाकण, ता. खेड, मूळ रा. सणसवाडी, ता. शिरुर), असे अपघातात मृत्यू झालेल्याचे नाव आहे.

शिक्रापूर चाकण महामार्गावरून कृष्णा जोहारे हा टेम्पो घेऊन चाकण बाजूने शिक्रापूर कडे येत होता. जातेगाव खुर्द येथे सीएनजी पंप जवळ ट्रेलर बंद अवस्थेत रस्त्यावर उभा होता. दरम्यान, चाकण बाजूने आलेल्या कृष्णा जोहारे याच्या टेम्पोची धडक समोरील ट्रेलरला बसून गंभीर अपघात झाला. यावेळी पाठीमागून जोरात धडक बसल्याने टेम्पो चालक कृष्णा जोहारे गंभीर जखमी झाल्याने त्याला उपचारासाठी ग्रामीण रुग्णालयात दाखल केले.

मात्र, डॉक्टरांनी कृष्णा जोहारे याचा मृत्यू झाल्याचे घोषित केले. पूनम कृष्णा जोहारे यांनी शिक्रापूर पोलीस स्टेशन येथे फिर्याद दिली. पोलिसांनी ट्रेलर चालक संतोष कुंजी सिंग (रा. संदी, मध्यप्रदेश) याच्या विरुद्ध गुन्हा दाखल केला असून पुढील तपास पोलीस हवालदार कृष्ण व्यवहारे हे करत आहे.