Ashok Saraf Interview : मराठी सिनेसृष्ठीतील नवदीचा काळ ज्येष्ठ अभिनेते अशोक सराफ, महेश काठोरे, लक्ष्मीकांत बेर्डे आणि सचिन पिळगावकर यांनी गाजवला. आजही टीव्हीवर या कलाकारांचे चित्रपट लोकं मोठ्या आवडीने पाहतात. सध्या अशोक सराफ हे छोट्या पदद्यावरील आपल्या भूमिकेतून प्रेक्षकांचे मनोरंजन करत आहे.

नुकतीच अशोक सराफ यांनी रेडिओ नशाला मुलाखत दिली आहे. या मुलाखतीत त्यांनी सचिन पिळगावकर यांच्याविषयीची आठवण सांगत सचिन माझा आधी कधीच मित्र नव्हता, असे विधान केले आहे. केलेल्या विधानावर त्यांनी आठवण सांगत सचिन पिळगावकर आणि त्यांची मैत्री कशी जुळली याचा उलघडा केला आहे.

सचिनसोबत माझी आधी कधीच मैत्री नव्हती त्याच्या वडिलांचा मी मित्र होतो. त्याचे वडिल शरद पिळगावकर हे निर्माते असल्याने त्यांच्या चित्रपटात मी काम केलं असल्याचे अशोक सराफ यांनी सांगितले.

नेमकं काय म्हणाले अशोक सराफ? 

“मायबाप सिनेमापासून आम्ही एकत्र काम करायला सुरुवात केली. हा सिनेमा सचिनने दिग्दर्शित केलेला पहिला सिनेमा होता. त्यावेळी मी आणि सचिननं पहिल्यांदा एकत्र काम केलं. सचिनने तब्बल 15 मराठी सिनेमे बनवले. त्या सर्व पिक्चरमध्ये मी आहे. सचिनसोबत माझी आधी कधीच मैत्री नव्हती. त्याच्या वडिलांसोबत माझी मैत्री होती. सचिनचे वडील शरद पिळगावकर हे निर्माते होते. शरदजींनी जे सिनेमे बनवले त्यातही मी काम केलं. त्यामुळे मी शरदजींचा मित्र होतो.”

अन् मैत्री जुळली….

अशोक सराफ हे कधी शरद पिळगावकरांना भेटायला गेले की तिथे सचिन पिळगावकर असायचे. काय कसाय? बरा आहे ना एवढचं आमचं बोलणं व्हायचं पण जेव्हा एकत्र काम करायला लागतो तेव्हा माझं आणि त्यांचं खूप जमलं. त्यामुळे आम्ही इतके चांगले मित्र बनलो की, विचारुच नका. आम्ही सलग सिनेमे केले. आणि मराठी सिनेमात त्याने बॅक टू बॅक हिट सिनेमे दिले, असे अशोक सराफ यांनी सांगितले.