Rohit Sharma : रोहित शर्माचे पुन्हा मागचे दिवस पुढे! पहिल्या वनडेनंतरचा ‘तो’ VIDEO होतोय व्हायरल
रोहित शर्माने नेमके काय केले?
रांचीतील पहिला सामना जिंकल्यानंतर टीम इंडिया हॉटेलमधून एअरपोर्टकडे निघाली. त्यावेळी रोहित शर्मा बसमध्येच आपला एअरपॉडचा केस (AirPod Case) विसरला. रोहित एअरपोर्टच्या वेटिंग एरियामध्ये आरामात बसला होता, पण तो एअरपॉड केस बसमध्ये विसरल्याचे त्याला अजिबात आठवले नाही.
Rohit Sharma and his habit of forgetting things.😭❤️🙏
Rohit Sharma had forgotten his empty AirPods case on the bus, and at the airport a member of the support staff brought it to him.😂 pic.twitter.com/Kp6nTXnhq9
— 𝐑𝐮𝐬𝐡𝐢𝐢𝐢⁴⁵ (@rushiii_12) December 1, 2025
त्यानंतर टीम इंडियाच्या सपोर्ट स्टाफमधील एका सदस्याने त्याचा एअरपॉड केस त्याच्याजवळ आणून दिला. आपली वस्तू मिळाल्यानंतर रोहितने त्या सपोर्ट स्टाफ सदस्याचे आभार मानले. हा संपूर्ण क्षण कॅमेऱ्यात कैद झाला आणि आता तो व्हिडीओ सोशल मीडियावर मोठ्या प्रमाणात व्हायरल होत आहे.
रोहितला सामान विसरण्याची ‘लत’
रोहित शर्माला सामान विसरण्याची जणू ‘लत’ लागली आहे. विराट कोहली आणि शिखर धवन यांनी अनेक मुलाखतींमध्ये रोहितच्या या सवयीबद्दल सांगितले आहे. अनेकदा रोहित त्याचा पासपोर्ट, सूटकेस किंवा इतर महत्त्वाचे सामान हॉटेलमध्येच विसरून जातो. यावेळेस तर त्याने बसमध्ये एअरपॉडचा केस विसरला.
हेही वाचा – Virat Kohli : किंग कोहलीने रांचीत पूर्ण केलं चाहतीचं स्वप्न! VIDEO होतोय व्हायरल
दक्षिण आफ्रिकेविरुद्धच्या पहिल्या वनडेत रोहित शर्माने ५१ चेंडूंमध्ये ५७ धावांची स्फोटक खेळी केली. त्याने आपल्या खेळीत ५ चौकार आणि ३ गगनचुंबी षटकार मारले. त्याने विराट कोहलीसोबत शतकी भागीदारीही केली. रोहित आणि विराटच्या (१३५ धावा) या शानदार फलंदाजीमुळे भारताने ५० षटकांत ३४९ धावा केल्या आणि १७ धावांनी विजय मिळवला.
