DC vs MI सामन्यापूर्वी मैदानात अनोख्या प्राण्याची एन्ट्री! पाहून खेळाडूंसह समालोचकही घाबरले
DC vs MI Players and commentators were terrified of Robot Dog : आयपीएल सुरुवातीपासूनच प्रेक्षकांचा पाहण्याचा अनुभव वाढवण्याचा प्रयत्न करत आहे. त्यांनी या दिशेने आणखी एक नवीन पाऊल उचलले आहे. यावेळी आयपीएल २०२५ मध्ये, एक तंत्रज्ञान आणण्यात आले आहे जे क्रिकेट पाहण्याची पद्धत पूर्णपणे बदलू शकते. आयपीएल प्रसारण संघाला एक नवीन सदस्य मिळाला आहे. दिल्ली आणि मुंबई यांच्यातील सामन्यापूर्वी सराव सत्रादरम्यान, हा सदस्य मैदानात आला, ज्याला पाहून खेळाडू घाबरले. आयपीएलने त्यांच्या अधिकृत सोशल मीडिया अकाउंटवर त्याचा व्हिडीओ शेअर केला आहे.
खेळाडू आणि समालोचक ‘रोबोट डॉग’ला घाबरले –
आयपीएलच्या अधिकृत सोशल मीडिया अकाउंटवर शेअर केलेला एक व्हिडिओ मोठ्या प्रमाणात व्हायरल होत आहे. ज्यामध्ये एक विचित्र रोबोट मैदानात फिरत आहे, जे पाहून खेळाडू आणि समालोचक घाबरले. दिल्ली कॅपिटल्स आणि मुंबई इंडियन्सचे खेळाडू दिल्लीतील अरुण जेटली स्टेडियममध्ये सराव करत असताना ही घटना घडली. दिल्ली कॅपिटल्सचा कर्णधार अक्षर पटेल हा ‘रोबोट डॉग’ पाहून थक्क झाला. त्याने विचारले, “हे काय आहे?” याशिवाय, मुंबई इंडियन्सचा वेगवान गोलंदाज रीस टोपली आणि समालोचक डॅनी मॉरिसन हा रोबोट पाहून घाबरले. रीस टोपलीने विचारले, “हा कोणत्या प्रकारचा कुत्रा आहे?” मुंबई इंडियन्सचा कर्णधार हार्दिक पंड्यानेही या मशीनचे कौतुक केले.
View this post on Instagram
नाव सुचवण्यासाठी चाहत्यांना केले आव्हान –
𝗛𝗼𝗹𝗱 𝗼𝗻! 𝗪𝗲'𝘃𝗲 𝗮 𝗻𝗲𝘄 𝗜𝗣𝗟 𝗳𝗮𝗺𝗶𝗹𝘆 𝗺𝗲𝗺𝗯𝗲𝗿 𝗶𝗻 𝘁𝗼𝘄𝗻 👀
It can walk, run, jump, and bring you a 'heart(y)' smile 🐩❤️
And…A whole new vision 🎥
Meet the newest member of the #TATAIPL Broadcast family 👏 – By @jigsactin
P.S: Can you help us in… pic.twitter.com/jlPS928MwV
— IndianPremierLeague (@IPL) April 13, 2025
या ‘रोबोट डॉग’ला पाहून ज्येष्ठ समालोचक डॅनी मॉरिसन सुरुवातीला घाबरले होते, परंतु नंतर त्यांना त्याबद्दल माहिती मिळाली. चाहत्यांना ही तंत्रज्ञान आवडेल अशी आशा त्यांनी व्यक्त केली. मॉरिसनने या यंत्राची काही अद्वितीय वैशिष्ट्ये दाखवली. या रोबोट डॉगने आपले रोबोटिक पंजे वापरून खेळाडूंशी हस्तांदोलन करून त्यांचे स्वागत केले. त्यात बसवलेल्या हाय-रिझोल्यूशन कॅमेऱ्याबद्दल बोलताना मॉरिसन म्हणाले की, हे उपकरण प्रसारणाला पूर्णपणे नवीन आयाम देऊ शकते.
हेही वाचा – RR vs RCB : कोहली-सॉल्टच्या जोरावर आरसीबीचा दणदणीत विजय, राजस्थानचा सलग दुसरा पराभव
मॉरिसनला या रोबोटची “लव्ह पोझ” खूप आवडली, जी पाहून इतर खेळाडूही हसायला लागले. मॉरिसनने चाहत्यांना या नवीन सदस्यासाठी नाव सुचवण्याचे आवाहन केले आहे. मॉरिसन म्हणाले की, सर्वोत्तम नाव सुचवणाऱ्या चाहत्याला एका खास समारंभाचा भाग होण्याची संधी मिळेल. त्यांनी ‘रोबोट डॉग’शी शर्यतही लावली, पण शेवटी त्यांना हे मान्य करावे लागले की हे यंत्र त्यांच्यापेक्षा खूप वेगवान होते.
