RCB set record highest score IPL Playoffs 2026 : आयपीएल २०२६ मधील ‘क्वालिफायर-१’ सामन्यात आरसीबीच्या फलंदाजांनी गुजरात टायटन्सच्या गोलंदाजांची अक्षरशः पिसं काढली. धर्मशाला येथील मैदानावर पहिल्यांदा फलंदाजी करताना आरसीबीने कर्णधार रजत पाटीदारच्या वादळी ९१ धावांच्या जोरावर २० षटकांत ५ बाद तब्बल २५४ धावांचा महाकाय आणि अवाढव्य डोंगर उभा केला आहे. यासह आरसीबीने आयपीएल प्ले-ऑफ आणि नॉकआउटच्या इतिहासातील सर्वोच्च धावसंख्येचा विश्वविक्रम आपल्या नावावर केला आहे.

गुजरात टायटन्सचा ‘तो’ मोठा रेकॉर्ड मोडला!

या बाबतीत त्यांनी गुजरात टायटन्सचाच ३ वर्षांपूर्वीचा रेकॉर्ड मोडला. आयपीएलच्या इतिहासात आतापर्यंत प्ले-ऑफ किंवा नॉकआउट सामन्यात २५० धावांचा टप्पा कोणत्याही संघाला ओलांडता आला नव्हता. यापूर्वीचा सर्वोच्च स्कोर गुजरात टायटन्सच्या नावावर होता. गुजरातने २०२३ मध्ये मुंबईविरुद्ध २३३ धावा कुटल्या होत्या.

RCB blaze to a mammoth total in Dharamsala! The highest score in a TATA IPL Playoffs match. 🚨

After Virat Kohli’s powerplay hitting, Rajat Patidar switched on the afterburners in the death overs. 💪

GT will have to pull off a record breaking chase in order to book a spot in… pic.twitter.com/ldsiHkOwjR

— Star Sports (@StarSportsIndia) May 26, 2026

आयपीएल नॉकआउट/प्ले-ऑफमधील सर्वोच्च धावसंख्या:

• २५४/५: आरसीबी विरुद्ध गुजरात टायटन्स (धर्मशाला, २०२६) *
• २३३/३: गुजरात टायटन्स विरुद्ध मुंबई इंडियन्स (अहमदाबाद, २०२३)
• २२८/५: मुंबई इंडियन्स विरुद्ध गुजरात टायटन्स (न्यू चंदीगड, २०२५)
• २२६/६: पंजाब किंग्स विरुद्ध चेन्नई सुपर किंग्स (वानखेडे, २०१४)
• २२२/५: चेन्नई सुपर किंग्स विरुद्ध दिल्ली कॅपिटल्स (चेन्नई, २०१२)

हेही वाचा – Virat Kohli Record : विराट कोहलीने रचला नवा इतिहास! आयपीएलमध्ये ‘हा’ मोठा पराक्रम करणारा ठरला जगातील एकमेव फलंदाज

३८ बाउंड्रीज ठोकत चेन्नईचा १४ वर्षांपूर्वीचा मोडला रेकॉर्ड –

महाकाय धावसंख्येसोबतच आरसीबीने या सामन्यात चौकार आणि षटकारांचा भयंकर पाऊस पाडला. आरसीबीचा संघ आता आयपीएल प्ले-ऑफमधील एकाच सामन्यात सर्वाधिक बाउंड्रीज (चौके-छक्के) मारणारा संघ बनला आहे. आरसीबीच्या फलंदाजांनी मिळून गुजरातविरुद्ध एकूण ३८ बाउंड्रीज लगावल्या. यापूर्वी हा विक्रम सीएसकेच्या नावावर होता, ज्यांच्या फलंदाजांनी २०१२ मध्ये दिल्लीविरुद्ध ३३ बाउंड्रीज ठोकल्या होत्या.

हेही वाचा – Shresta Iyer Trolled : पंजाब बाहेर पडताच श्रेयसची बहीण होतेय ट्रोल! ऑफिसमध्ये फोन करून शिवीगाळ; श्रेष्ठाने केला खुलासा, पाहा VIDEO

आयपीएल नॉकआउट/प्ले-ऑफमध्ये सर्वाधिक बाउंड्रीज मारणारे संघ:

• ३८: आरसीबी विरुद्ध गुजरात टायटन्स (धर्मशाला, २०२६) *
• ३३: सीएसके विरुद्ध दिल्ली कॅपिटल्स (चेन्नई, २०१२)
• ३२: पंजाब किंग्स विरुद्ध सीएसके (वानखेडे, २०१४)
• ३१: गुजरात टायटन्स विरुद्ध मुंबई इंडियन्स (अहमदाबाद, २०२३)

आरसीबीच्या या वादळी फलंदाजीने गुजरातच्या छावणीत दहशथ पसरवली असून हा सामना पूर्णपणे एकतर्फी होण्याची शक्यता आहे.