प्रभात वृत्तसेवा पुणे – जैन बोर्डिंगच्या जागेचा व्यवहार रद्द झाल्याने पहिला अंक संपला आहे, आता दुसरा अंक सुरू आहे. मात्र, तिसरा अंक सुरू झाला तर राजकीय चिरफाड करणार, असा थेट इशारा केंद्रीय हवाई उड्डाण राज्यमंत्री मुरलीधर मोहोळ यांना शिवसेना (शिंदे) पक्षाचे महानगरप्रमुख रवींद्र धंगेकर यांनी दिला आहे.शिवाजीनगरमधील मॉडेल कॉलनीतील जैन बोर्डिंगच्या जागेचा व्यवहार रद्द झाला आहे. यानंतर रवींद्र धंगेकर यांनी जैन बोर्डिंगमध्ये जाऊन जैन मुनींची भेट घेतल्यानंतर पत्रकार परिषदेत ते बोलत होते.मी विकृती विरोधात बोलतोय आणि उद्याही बोलत राहणार आहे. समाजाला दिलेला शब्द आज खरा ठरला आहे असे वाटतेय. मी आजही विकृतीविरोधात बोलतोय, भाजपविरोधात नाही. निलेश घायवळ कसा पळाला, तो विषय अजून संपलेला नाही, असेही ते म्हणाले. उपमुख्यमंत्री एकनाथ शिंदे यांनी काल मला सांगितलं होते की याप्रकरणी तोडगा काढू. जे २३० कोटी गोठवले आहेत, ते रुपये संस्थेला द्या. संस्थेवर योग्य माणसाची निवड करावी, संस्था पुन्हा उभा करण्यासाठी मदत करा. हा धर्म दानशूर आहे, मी समाजाला शब्द दिला होता तो आज खरा होत आहे. सगळ्यांचा मी आभारी आहे की, तुम्ही सगळ्यांनी ही संस्था वाचवायला मदत केली, असेही धंगेकर यांनी सांगितले. शिंदेंनी अडवलेले नाही.. जैन बोर्डिंग प्रकरणाच्या लढाईत उपमुख्यमंत्री एकनाथ शिंदे यांनी मला कुठेही अडवलेले नाही. शिंदेंचा शब्द खरा ठरला असून मी त्यांचे आभार मानतो. चोरी करणाऱ्यायापेक्षा चोरीचा माल घेणारा दोषी असतो, याकडे त्यांनी लक्ष वेधले. माझी कोणात्याही कुटुंबाशी लढाई नाही. मात्र, कोणामध्ये खुमसुमी असेल तर माझ्याविरोधात लढा, असा टोला धंगेकर यांनी नाव न घेता मोहोळांना टोला लगावला.
