Ravindra Dhangekar – Sunetra Pawar। देशात लोकसभा निवडणूक लागल्या असून आता सर्वपक्षाने आपल्या उमेदवारांना रिंगणात उभे केले आहे. त्यातच राज्यातही महायुती विरुद्ध महाविकास आघाडी असा सामना रंगला आहे. त्यात सर्वात चर्चेत असणार मतदारसंघ म्हणजे बारामती. याठिकाणी सुप्रिया सुळे विरुद्ध सुनेत्रा पवार अशी रंगात होणार आहे. दरम्यान, आज पुण्यात महायुतीच्या उमेदवार सुनेत्रा पवार आणि मविआचे उमेदवार रवींद्र धंगेकर यांची अचानक भेट झाल्याचे दिसून आले.

एकमेकांना निवडणुकीसाठी दिल्या शुभेच्छा  Ravindra Dhangekar -Sunetra Pawar।

बारामती लोकसभा मतदारसंघातील राष्ट्रवादी कॉंग्रेसच्या उमेदवार सुनेत्रा पवार आणि पुणे लोकसभा मतदारसंघाचे कॉंग्रेस उमेदवार रविंद्र धंगेकर यांची आज पुण्यात भेट झाली. प्रचार दरम्यान झालेल्या या भेटीवेळी दोघांनीही एकमेकांना निवडणुकीसाठी शुभेच्छा दिल्या.

रवींद्र धंगेकर आणि सुनेत्रा पवार हे दोघेही दणक्यात प्रचाराला लागले आहेत. अनेक परिसरात पिंजून काढताना दिसत आहेत. याचवेळी पुण्यातील तळजाई टेकडी परिसरात ही भेट झाली. यावेळी दोघांनीही एकमेकांशी संवाद साधला आणि शुभेच्छाही दिल्या.

यावेळी आमदार भीमराव तापकीर, उल्हास पवार, दत्ता धनकवडे, आप्पा रेणुसे यांच्यासह विविध पक्षांचे पदाधिकारी यावेळी उपस्थित होते. शिवाय बरेच कार्यकर्तेदेखील उपस्थित होते. दोन्ही नेत्यांसोबत अनेकांनी तळजाई टेकडीवर फोटोशूट केलं आणि दोघांमध्येही चांगल्या चर्चा झाल्या. यावरुन राज्याची राजकीय स्थिती कशीही असली तरीही सुसंस्कृत राजकारणाचं चित्र पुन्हा एकदा पाहायला मिळालं.

हेही वाचा
बारामतीचे विकासाचे मॉडेल सर्वत्र पोहोचवू; महायुतीच्या उमेदवार सुनेत्रा पवार यांची ग्वाही
Lok Sabha Election 2024 : “तुमच्याकडे पैलवान असेल तर माझ्यासोबत वस्ताद…”; रवींद्र धंगेकरांनी मोहोळ यांना डिवचलं