Tennis Star Rafael Nadal Retirement : राफेल नदालने टेनिसला अलविदा केला आहे. स्पॅनिश टेनिस स्टारने डेव्हिड कपमध्ये कारकिर्दीतील शेवटचा सामना खेळला. लक्षात घेण्यासारखी गोष्ट म्हणजे या टेनिस दिग्गजाने गेल्या महिन्यात म्हणजे ऑक्टोबरमध्येच आपली निवृत्ती जाहीर केली होती. डेव्हिस चषकामध्ये तो शेवटचा सामना खेळणार असल्याचे त्यानं स्पष्ट केले होते. नदाल महान टेनिसपटूंपैकी एक आहे आणि त्याला लाल मातीचा बादशहा असेही म्हटले जाते.

नदालने डेव्हिड चषकातील शेवटचा सामना मंगळवारी नेदरलँड्सच्या बोटिक व्हॅन डी जैडस्चुल्पविरुद्ध खेळला. या सामन्यात नदालला बोटिक व्हॅन डीने 6-4, 6-4 अशा सरळ सेटमध्ये पराभूत केले. सामन्याच्या दुसऱ्या सेटमध्ये नदालने दमदार पुनरागमन केले, पण अखेर त्याला पराभवाचा सामना करावा लागला.

38 वर्षीय नदाल हा 22 ग्रँड स्लॅम एकेरी विजेतेपदांसह निवृत्ती झाला. याशिवाय त्याने टेनिसमध्येही अनेक स्मरणीय कामगिरी केल्या आहेत. त्याच्या कारकिर्दीच्या शेवटी, नदालने त्याला त्याच्या ऍथलेटिक आणि वैयक्तिक गुणांसाठी लक्षात ठेवण्याचा आग्रह धरला. नदाल म्हणाला, “मी मनःशांती घेऊन जात आहे की मी एक वारसा सोडला आहे, जो मला वाटतो की केवळ एक क्रीडा नाही तर वैयक्तिक वारसा आहे.”

For your fighting spirit.

For your humility and kindness.

For everything you’ve done for tennis.

Gracias, Rafa. pic.twitter.com/tDicj5KUI5

— Davis Cup (@DavisCup) November 19, 2024

नदाल पुढे म्हणाला, “टाइटल्स, नंबर्स आहेतच पण एक चांगली व्यक्ती म्हणून मला अधिक लक्षात ठेवावं अशी माझी इच्छा आहे. एक मूलगा ज्याने आपल्या स्वप्नांचे अनुसरण केले आणि मी जेवढी स्वप्नं पाहिली त्यापेक्षा जास्त मिळवल, यातच मला समाधान वाटते.”

सर्वाधिक ग्रँडस्लॅम जिंकणाऱ्या खेळाडूंच्या यादीत नाव…

आतापर्यंत सर्वाधिक ग्रँडस्लॅम जिंकण्याचा विक्रम सर्बियन खेळाडू नोवाक जोकोविचच्या नावावर आहे. जोकोविचने एकूण 24 ग्रँडस्लॅम जेतेपदे जिंकली आहेत. त्यानंतर या यादीत दुसरे नाव 22 ग्रँड स्लॅम जिंकणाऱ्या राफेल नदालचे आहे. पुढे जात असताना, स्वित्झर्लंडचा दिग्गज रॉजर फेडररचे नाव दिसते, ज्याने आपल्या कारकिर्दीत 20 ग्रँड स्लॅम जिंकले आहेत.

IND vs AUS : पर्थ कसोटीत विराट कोहली रचणार इतिहास, पुजारा अन् द्रविडचा ‘हा’ मोठा विक्रम मोडण्याची संधी….

सर्वाधिक ग्रँडस्लॅम जिंकणारे टेनिस स्टार (पुरुष)

नोव्हाक जोकोविच : 24 विजेतेपद
राफेल नदाल : 22 विजेतेपद
रॉजर फेडरर : 20 विजेतेपद
पीट सॅम्प्रास : 14 विजेतेपद
रॉय इमर्सन : 12 विजेतेपद

नदाल याला लाल मातीचा बादशहा का म्हटले जाते…?

फ्रेंच ओपन (French open) आणि राफेल नदाल (Rafael Nadal) यांचं एक वेगळ नातं आहे. फ्रेंच ओपन स्पर्धेत राफेल नदाल या नावाचा दबदबा आहे. कारण नदालची या स्पर्धेतील कामगिरीच तशी आहे. फ्रेंच ओपन स्पर्धा ही क्ले कोर्टवर (लाल माती) खेळली जाते आणि नदाल या कोर्टचा राजा आहे. कारण आतापर्यंत त्याने फ्रेंच ओपनची तब्बल 14 विजेतेपद पटकावली आहेत. एकूण करीयरमध्ये राफेल नदालच्या नावावर 22 ग्रँडस्लॅम विजेतेपद आहेत. त्यातली 14 ही केवळ फ्रेंच ओपनची आहेत.