Pune Police Transfers : पुणे ग्रामीण पोलीस दलात मोठ्या प्रमाणावर अंतर्गत बदल्या करण्यात आल्या असून तब्बल 30 पोलीस निरीक्षक (PI) आणि सहाय्यक पोलीस निरीक्षक (API) यांची नव्या ठिकाणी नियुक्ती करण्यात आली आहे. या बदल्यांमुळे पोलीस प्रशासनात मोठी हालचाल निर्माण झाली असून अनेक महत्त्वाच्या पोलीस ठाण्यांना नवे नेतृत्व मिळणार आहे. (Pune Police Transfers )

पुणे ग्रामीणचे पोलीस अधीक्षक संदीपसिंग गिल यांनी जारी केलेल्या आदेशानुसार कायदा व सुव्यवस्था अधिक प्रभावी करणे, प्रशासकीय कामकाजात गतिमानता आणणे आणि स्थानिक पातळीवरील पोलीस यंत्रणा अधिक सक्षम करण्याच्या उद्देशाने हा निर्णय घेण्यात आला आहे. (Pune Police Transfers )

या फेरबदलात सासवड, बारामती तालुका, लोणावळा शहर, रांजणगाव एमआयडीसी, शिरूर, हवेली, यवत, राजगड, जेजुरी, इंदापूर, दौंड, शिक्रापूर आणि भिगवण यांसारख्या महत्त्वाच्या पोलीस ठाण्यांचा समावेश आहे. ग्रामीण भागातील वाढत्या जबाबदाऱ्या आणि प्रशासकीय गरजा लक्षात घेऊन ही पुनर्रचना करण्यात आल्याचे सांगितले जात आहे. (Pune Police Transfers )

महत्त्वाच्या बदल्या अशा   (Pune Police Transfers)

• दत्तात्रय किसन गुंड – नियंत्रण कक्षातून जुन्नर पोलीस ठाण्यात
• कुमार रामचंद्र कदम – सासवड पोलीस ठाण्यातून रांजणगाव एमआयडीसी येथे
• चंद्रशेखर यादव -बारामती तालुका पोलीस ठाण्यातून शिक्रापूर येथे
• विनोद पाटील – नियंत्रण कक्षातून शिरूर पोलीस ठाण्यात
• सचिन पाटील – नियंत्रण कक्षातून लोणावळा शहर पोलीस ठाण्यात
• राजेश रामाघरे – लोणावळा शहरातून हवेली पोलीस ठाण्यात
• संतोष तासगावकर – आर्थिक गुन्हे शाखेतून यवत पोलीस ठाण्यात
• हेमंत शेडगे – नियंत्रण कक्षातून दौंड पोलीस ठाण्यात
• विजयमाला पवार – जिल्हा विशेष शाखेतून उरुळी कांचन येथे
• संतोष जाधव – जिल्हा वाहतूक शाखेतून राजगड पोलीस ठाण्यात

याशिवाय आर्थिक गुन्हे शाखा, सायबर पोलीस ठाणे, महिला कक्ष, जिल्हा विशेष शाखा, वाहतूक शाखा आणि सुरक्षा शाखांमध्येही मोठ्या प्रमाणावर फेरबदल करण्यात आले आहेत. (Pune Police Transfers )

या बदल्यांमुळे गुन्हेगारी नियंत्रण, तपास प्रक्रिया, वाहतूक व्यवस्थापन आणि कायदा-सुव्यवस्था राखण्याच्या कामकाजाला अधिक गती मिळेल, अशी अपेक्षा व्यक्त केली जात आहे. एकाच आदेशात 30 अधिकाऱ्यांच्या बदल्यांमुळे पुणे ग्रामीण पोलीस दलात मोठी प्रशासकीय पुनर्रचना झाल्याची चर्चा सुरू झाली आहे. (Pune Police Transfers )

दरम्यान, अलीकडेच पुणे शहर पोलीस दलातील वरिष्ठ अधिकाऱ्यांच्या बदल्यांनंतर आता ग्रामीण भागातही झालेल्या या मोठ्या फेरबदलामुळे पोलीस प्रशासनात नव्या कार्यपद्धतीची सुरुवात होणार असल्याचे मानले जात आहे. (Pune Police Transfers )