Vijay Wadettiwar : काँग्रेस नेते विजय वडेट्टीवार यांनी महसूल मंत्री चंद्रशेखर बावनकुळे यांच्यावर स्तुतीसुमनाचा वर्षाव केला आहे. कोल्हापुरात तेल समाजाच्या मेळाव्यात वडेट्टीवार यांनी बावनुकळे यांचे कौतुक केले आहे. (Vijay Wadettiwar)

वडेट्टीवार म्हणाले, तुमचा शब्द राज्यात खाली पडू दिला जात नाही. शेतकऱ्यांसाठी धडाकेबाज निर्णय तुम्ही घेतलेत. तुमचे काम करण्याचा स्पीड जास्त आहे, तुमच्या धडाकेबाज निर्णयामुळे राज्यातील लाखो शेतकऱ्यांना फायदा झालेला आहे. त्यामुळे विधानसभेत देखील तुमचे अभिनंदन केले आहे. (Vijay Wadettiwar)

आपल्या माणसाची तारीफ आपणच केली पाहिजे. 2029 ला आमचा नंबर लागला तर माझी तारीफ करायला सुद्धा आपण पाहिजे, तशी शक्यता मला वाटते, अशा शब्दात त्यांनी बावनकुळेंची स्तुती केली. (Vijay Wadettiwar)

सध्या राज्यात तुम्ही दोन नंबरला आहात त्यामुळे तुमची जबाबदारी जास्त आहे. तुमच्याने जे जमते ते तुम्ही करा, पण प्रश्न सुटले पाहिजेत. काही प्रश्न विरोधकांना मांडावे लागतात. म्हणून बावनकुळेंनी ताकत लावावी, समाजाचे प्रश्न सोडवावेत. (Vijay Wadettiwar)

बावनकुळेंच्या पाठीमागे समाजाचे प्रश्न सोडवायला मी खंबीरपणे उभा आहे. तेली समाज हा विखुरलेला समाज आहे. तुम्ही कॅबिनेटमध्ये प्रश्न मांडा मी अधिवेशनात प्रश्न मांडतो. आपल्या समाजाचे महामंडळ निर्माण झाले पाहिजे, हजारो कोटी रुपये मिळावेत, अशी मागणी त्यांनी केली. (Vijay Wadettiwar)

Vijay Wadettiwar : विरोधकांना घाबरल्याने भाजप नेतृत्वाची अधिवेशनाकडे पाठ; काँग्रेस नेते विजय वडेट्टीवार यांचा आरोप

Vijay Wadettiwar : विरोधकांनी प्रश्न मांडणे म्हणजे बदनामी नव्हे; विजय वडेट्टीवार यांची टीका