सातारा : कापूरहोळ येथे आज सकाळपासून सुरू असलेल्या शेतकरी आंदोलनामुळे सातारा-पुणे राष्ट्रीय महामार्गावरील वाहतूक पूर्णपणे विस्कळीत झाली आहे. या वाहतूक कोंडीचा मोठा फटका रुग्णवाहिकेलाही बसला असून तासनतास प्रवास खोळंबल्याने प्रवाशांना मनस्तापाचा सामना करावा लागत आहे.

कापुरहोळ येथे आज सकाळी 8 वाजल्यापासून रस्ता अडविण्यात आला आहे. या आंदोलनाच्या पार्श्वभूमीवर पोलीसांनी महामार्गावरील वाहतूक वळवण्याचा आदेश कालच जाहीर केला होता. त्यानुसार साताऱ्याकडून पुण्याला जाण्यासाठी शिरवळ येथून पंढरपूर फाट्यावरुन पुढे सासवड मार्गे पुण्याला वाहतूक वळवली आहे.

तर पुण्याकडून साताऱ्याकडे येणारी वाहतूकही त्याच मार्ग वळवली आहे. या आंदोलनामुळे महामार्गावर वाहनांच्या मोठ्या रांगा लागल्या आहेत. प्रवाशाचे हाल होत असून, पंढरपूर फाट्याजवळील कोंडीत एक रुग्णवाहिका दीर्घकाळ अडकून पडली होती.

Niti Aayog: “शिक्षण नाही, नोकरी नाही अन् प्रशिक्षणही नाही” ; ८७ कोटी तरुणांचं धक्कादायक वास्तव