Pune News : डेक्कन परिसरातील फ्लाईंग जिप्सी कॅफेमध्ये सातत्याने नियमांचे उल्लंघन होत असल्याच्या तक्रारी आणि कॅफेबाहेर तरुणावर खुनाचा प्रयत्न झाल्यानंतर डेक्कन पोलिसांनी कॅफे प्रशासनाविरुद्ध कारवाईचा पवित्रा घेतला आहे. (Pune News)

कॅफेच्या शॉप अ‍ॅक्टसह अन्य बाबींची तपासणी करून कारवाई करण्याबाबत पोलिसांनी महापालिकेला पत्र दिले आहे. महापालिकेची कारवाई झाल्यानंतरच कॅफे सुरू करण्यास परवानगी दिली जाईल, अशी माहिती पोलीस उपायुक्त कृषीकेश रावले यांनी दिली. (Pune News)

दरम्यान, १५ ऑगस्टच्या पहाटे फ्लाईंग जिप्सी कॅफेमध्ये झालेल्या वादातून तरुणाच्या डोक्यात कोयत्याने वार करून खुनाचा प्रयत्न केल्याप्रकरणी दोन रीलस्टार तरुणींसह तिघांना अटक करण्यात आली आहे. (Pune News)

माधवी राजेश कुंभार (२२, रा. काळेपडळ, हडपसर), स्नेहल संजय सोनके (२०, रा. पिंपळे गुरव) आणि शार्दूल ओव्हाळ (रा. हडपसर) अशी अटक करण्यात आलेल्यांची नावे आहेत. (Pune News)

फ्लाईंग जिप्सी कॅफे गेल्या काही काळापासून वादाच्या घटनांमुळे चर्चेत आहे. कॅफेमध्ये रात्री उशिरापर्यंत सुरू असलेला तरुणाईचा धांगडधिंगा, वादविवाद आणि गोंधळामुळे स्थानिक नागरिकांनी पोलिसांकडे तक्रारी केल्या होत्या. (Pune News)

१५ ऑगस्टला पहाटे पावणेचार वाजेपर्यंत कॅफे सुरू होते. त्यावेळी दोन रीलस्टार गटांमध्ये वाद झाला. त्यातून टोळक्याने अथर्व जगताप याच्यावर कोयत्याने वार करून त्याच्या खुनाचा प्रयत्न केला. (Pune News)

घटनेची माहिती मिळताच डेक्कन पोलिसांनी घटनास्थळी धाव घेतली. या प्रकरणात आठ आरोपींविरुद्ध गुन्हा दाखल करण्यात आला असून, आतापर्यंत तिघांना अटक करण्यात आली आहे. आरोपी प्रेम ऊर्फ पम्या मनोज साळवे याने अथर्ववर कोयत्याने वार केल्याचे पोलिसांनी सांगितले. (Pune News)

खटलाही दाखल नाही; कारवाईच्या नावाने टोलवाटोलवी

शहरातील कायदा-सुव्यवस्था राखण्यासाठी पोलीस आयुक्त अमितेश कुमार यांनी आस्थापना रात्रीच्या निर्धारित वेळेत बंद ठेवण्याच्या सूचना दिल्या आहेत. त्यानुसार पोलिसांकडून नियमांचे उल्लंघन करणाऱ्या आस्थापनांवर कारवाई केली जाते. (Pune News)

मात्र, फ्लाईंग जिप्सी कॅफे पहाटेपर्यंत सुरू असतानाही संबंधित मालकाविरुद्ध पोलिसांनी स्वतंत्र गुन्हा दाखल केला नसल्याने प्रश्न उपस्थित होत आहेत. आता महापालिकेकडे पत्रव्यवहार करून कारवाईची जबाबदारी सोपविण्यात आल्याने याबाबतही चर्चा सुरू झाली आहे. (Pune News)

रीलस्टारमध्ये वर्षभरापासून वाद

अथर्व जगताप आणि आरोपी माधवी कुंभार हे दोघेही रीलस्टार आहेत. त्यांच्यात गेल्या वर्षभरापासून वाद सुरू असल्याचे पोलिसांनी सांगितले. साताऱ्यातील कास पठारावर वाहन ओव्हरटेक करण्याच्या कारणावरून त्यांच्यात वाद झाला होता. (Pune News)

त्यानंतर सोशल मीडियावरील रील्स आणि व्हिडिओच्या माध्यमातून एकमेकांची चेष्टा व खोड काढण्याचे प्रकार सुरू होते. १५ ऑगस्टला अथर्व मित्रांसह फ्लाईंग जिप्सी कॅफेमध्ये बसला असताना माधवीने तिच्या साथीदारांना तेथे बोलावून घेतल्याचे तपासात समोर आले आहे. त्यानंतर वाद वाढून अथर्ववर कोयत्याने हल्ला करण्यात आला. (Pune News)