पुणे  : नूतन वर्षानिमित्ताने शहरातील नागरिक मोठ्या प्रमाणात दगडूशेठ हलवाई गणपती दर्शनासाठी गर्दी करत असतात त्यामुळे १ जानेवारी २०२३ रोजी शिवाजी मार्गावर पुणे शहर पोलीस वाहतूक विभागाने वाहतुकीत बदल करण्यात येत असल्याचे आदेश जारी केले आहेत.

१ जानेवारी रोजी सायं. ५ वा. पासून ते गर्दी संपेपर्यंत अग्नीशमन वाहने, पोलीस वाहने, रुग्णवाहिका आदी अत्यावश्यक सेवेतील वाहने वगळता इतर वाहनांसाठी वाहतूकीत बदल करण्यात येत आहे.

Pune : कॅम्प भागात 31 डिसेंबर रोजी वाहतुकीत बदल

त्यानुसार पूरम चौकातून बाजीराव रोडने शनिवार वाडा हा मार्ग बंद करण्यात येणार असून नागरिकांनी त्याऐवजी पूरम चौकातून टिळक मार्गाने अलका टॉकीज चौकातून इच्छितस्थळी जाणाचा पर्याय अवलंबवावा. अप्पा बळवंत चौक ते पासोड्या विठोबा चौक हा मार्ग बंद असणार आहे, त्याऐवजी नागरिकांनी आप्पा बळवंत चौक- बाजीराव रोडने गाडगीळ पुतळा व पुढे इच्छीतस्थळी जावे.

जयस्तंभ अभिवादन सोहळा : पुणे-अहमदनगर महामार्गावरील वाहतुकीत बदल; वाहनतळांची जागाही निश्चित

स.गो.बर्वे चौक ते पुणे महानगरपालिका भवन तसेच शनिवारवाडा हा रस्ता बंद राहील. त्याऐवजी नागरिकांनी स.गो.बर्वे चौक- जंगली महाराज रोडमार्गे झाशीची राणी चौकातून इच्छितस्थळी जावे. गाडगीळ पुतळा ते रामेश्वर चौक हा रस्ता देखील बंद असणार असून त्याऐवजी गाडगीळ पुतळा-डावीकडे वळून कुंभारवाडा किंवा सूर्या हॉस्पिटल समोरून इच्छितस्थळी जाता येईल, असे पुणे शहरचे पोलीस उप-आयुक्त वाहतूक विजयकुमार मगर यांनी कळविले आहे.