Udayanidhi Stalin : त्रिशाची जाहीर माफी मागा! साऊथमधील प्रसिद्ध अभिनेत्रीची पोस्ट व्हायरल, गायिका चिन्मयी श्रीपदा म्हणाल्या…
Udayanidhi Stalin : या संपूर्ण प्रकरणामुळे तामिळनाडूच्या राजकारणात नवा वाद पेटला असून, सोशल मीडियावरही याबाबत तीव्र प्रतिक्रिया उमटल्या आहेत.
Udayanidhi Stalin : तामिळनाडूच्या राजकारणात मोठा गदारोळ झाला निर्माण झाला असून, अभिनेत्री त्रिशा कृष्णन यांच्या नावावरून नव्या वादाला तोंड फुटलं आहे. डीएमके नेते आणि विरोधी पक्षनेते उदयनिधी स्टॅलिन यांनी केलेल्या कथित आक्षेपार्ह वक्तव्यावरून राजकीय आणि मनोरंजन क्षेत्रात तीव्र प्रतिक्रिया उमटत आहेत.
दाक्षिणात्य कलाकरांकडून उदयनिधी यांच्या वक्तव्याचा निषेध नोंदविला जात असून त्रिशा कृष्णन यांच्यावर केलेली टीका चुकीचे असल्याचं म्हटलं आहे.
गायिका चिन्मयी श्रीपदा आणि भाजप नेत्या, अभिनेत्री खुशबू सुंदर यांनी उदयनिधी यांच्या वक्तव्यावर सोशल मीडियाच्या माध्यमातून प्रतिक्रिया दिली. महिलांना राजकीय संघर्षात ओढणे चुकीचं असल्याचं मत चिन्मयी श्रीपाद यांनी व्यक्त केलं. राजकीय मुद्द्यांवर चर्चा करण्याऐवजी सार्वजनिक जीवनाशी संबंध नसलेल्या महिलांना लक्ष्य करणे अयोग्य असल्याचं त्या म्हणाल्या. सुरुवातीला स्टॅलिन यांच्या वक्तव्याचा संदर्भ वेगळा वाटला होता, मात्र नंतर त्यामागील दुहेरी अर्थ लक्षात आल्याचं गायिकेनं स्पष्ट केलं. नव्या पिढीतील नेत्यांकडून अशा प्रकारच्या भाषेची अपेक्षा नसल्याचेही त्यांनी म्हटलं. (Udayanidhi Stalin)
If men in politics could just focus on actual issues instead of dragging women who have nothing to do with their scheme of things – it would be stellar.
The reason abusive motor mouths like DMKs Shivaji Krishnamurthy could speak so vulgarly on political platforms is because he…
— Chinmayi Sripaada (@Chinmayi) August 4, 2026
नेमकं काय म्हणाल्या चिन्मयी श्रीपाद ? (Udayanidhi Stalin)
“सुरुवातीला मला वाटलं की ते पाण्याच्या कनेक्शनबाबत बोलत आहेत. नंतर संपूर्ण संदर्भ समजला. अनेक महिलांनाही सुरुवातीला याचा वेगळा अर्थ वाटला होता. अशा परिस्थितीत उदयनिधी यांनी जमावाला थांबवायला हवे होते, मात्र तसे झाले नाही. उलट त्यांनीच आक्षेपार्ह टिप्पणी केली.”
त्रिशा कृष्णन यांची जाहीर माफी मागावी (Udayanidhi Stalin)
भाजप नेत्या आणि अभिनेत्री खुशबू सुंदर यांनीही उदयनिधी स्टॅलिन यांच्या वक्तव्यावर जोरदार टीका केली. त्यांनी हे वक्तव्य असभ्य आणि महिलांचा अपमान करणारे असल्याचे सांगत सार्वजनिक जीवनातील व्यक्तींनी भाषेचे भान ठेवणं आवश्यक असल्याचं मत व्यक्त केलं. उदयनिधी स्टॅलिन यांनी त्रिशा कृष्णन यांची जाहीर माफी मागावी, अशी मागणीही खुशबू यांनी केली.
Heard #Udhayanidhi Stalin’s speech. It was crass, cheap and deeply derogatory; reflecting the very political culture he seems eager to inherit.
If those with such a mindset aspire to lead a political party and one day govern the state, then God help us. What else can one expect…
— KhushbuSundar (@khushsundar) August 4, 2026
नेमका वाद काय? (Udayanidhi Stalin)
दरम्यान, कावेरी नदीच्या पाणीवाटपाच्या मुद्द्यावर डीएमकेने आयोजित केलेल्या आंदोलनादरम्यानचा एक व्हिडिओ सोशल मीडियावर तुफान व्हायरल झाला आहे. या व्हिडिओमध्ये उदयनिधी स्टॅलिन मुख्यमंत्री सी. जोसेफ विजय यांच्यावर टीका करताना दिसतात. त्यावेळी उपस्थित जमावातून “त्रिशा, त्रिशा” अशा घोषणा देण्यात आल्याचे दिसते. त्यानंतर स्टॅलिन यांनी केलेल्या एका टिप्पणीवरून वाद पेटला आहे. या संपूर्ण प्रकरणामुळे तामिळनाडूच्या राजकारणात नवा वाद पेटला असून, सोशल मीडियावरही याबाबत तीव्र प्रतिक्रिया उमटल्या आहेत.
उदयनिधी यांच्यावर गुन्हा दाखल (Udayanidhi Stalin)
सूत्रांकडून मिळालेल्या माहितीनुसार, उदयनिधी स्टॅलिन यांच्या विरोधात तंजावर पोलीस ठाण्यात सहा विविध कलमांखाली गुन्हा दाखल करण्यात आला आहे. कावेरी नदीच्या पाणीवाटपाच्या मुद्द्यावर आयोजित आंदोलनादरम्यान केलेल्या भाषणात त्यांनी मुख्यमंत्री जोसेफ विजय यांच्यावर जोरदार निशाणा साधला होता. तमिळनाडूच्या हक्काचे कावेरीचे पाणी मिळवून देण्यात मुख्यमंत्री अपयशी ठरल्याचा आरोप स्टॅलिन यांनी यावेळी केला होता. याच वक्तव्याच्या पार्श्वभूमीवर त्यांच्याविरोधात कायदेशीर कारवाई करण्यात आल्याची माहिती समोर आली आहे.
