Air India Trublance:  थायलंडहून दिल्लीला जाणाऱ्या एअर इंडियाच्या( Air India ) विमानाला भीषण टर्ब्युलन्स सामना करावा लागला, ज्यात अनेक प्रवासी जखमी झाले. थायलंडमधील फुकेतहून दिल्लीला जात असताना विमानाला हवेच्या झोतांचा सामना करावा लागला.

हवेचे झोत इतके तीव्र होते की काही प्रवाशांना कान आणि मानेला दुखापत झाली. त्यांच्यावर उपचार सुरू आहेत. मिळालेल्या माहितीनुसार, या घटनेत १२ प्रवासी जखमी झाले. प्रसारमाध्यमांच्या वृत्तानुसार, हवेच्या झोतांदरम्यान विमान त्याच्या निर्धारित उंचीपेक्षा ३०० फूट खाली आले.  (Air India Trublance)

एअर इंडियाने पुष्टी केली आहे की, ४ ऑगस्ट रोजी फुकेतहून दिल्लीला जाणाऱ्या AI2379 या विमानाला प्रवासादरम्यान काही काळासाठी हवेच्या झोतांचा सामना करावा लागला, ज्यामुळे उंचीमध्ये अचानक बदल झाला. विमान दिल्लीत सुरक्षितपणे उतरले आणि सर्व प्रवासी व कर्मचारी सदस्यांना सुखरूप बाहेर काढण्यात आले.  (Air India Trublance)

प्रवाशांनी सांगितले की, दिल्लीत उतरण्याच्या काही वेळापूर्वी विमान अचानक खाली येऊ लागले आणि हेलकावे खाऊ लागले, ज्यामुळे प्रवाशांमध्ये घबराट पसरली. या घटनेत अनेक प्रवासी जखमी झाले. विमानात काही काळ गोंधळाचे वातावरण होते. तथापि, वैमानिकाने मोठ्या कष्टाने विमान यशस्वीरित्या उतरवले.  (Air India Trublance)

एअर इंडियाच्या म्हणण्यानुसार, आतापर्यंत कोणीही गंभीर जखमी झालेले नाही. खबरदारीचा उपाय म्हणून, ज्या काही प्रवाशांना आणि क्रू सदस्यांना किरकोळ दुखापत झाली होती आणि ज्यांना वैद्यकीय उपचारांची आवश्यकता होती, त्यांना एअर इंडियाच्या विमानतळ पथकाने आणि वैद्यकीय कर्मचाऱ्यांनी तपासणी व उपचारांसाठी विमानतळावरील वैद्यकीय सुविधेकडे नेले. प्रवासी आणि क्रू सदस्यांची सुरक्षा आणि कल्याण हे एअर इंडियासाठी सर्वोच्च महत्त्वाचे आहे.

विमानाचा उड्डाण मार्ग फुकेत ते दिल्ली   (Air India Trublance)

एअर इंडियाच्या प्रवक्त्याने सांगितले की, आमच्या प्रवासी आणि क्रू सदस्यांची सुरक्षा आणि कल्याण हे एअर इंडियाचे सर्वोच्च प्राधान्य आहे. आम्ही बाधित झालेल्यांना सर्व आवश्यक मदत पुरवत आहोत आणि तपासात संबंधित अधिकाऱ्यांना पूर्ण सहकार्य करत आहोत.

एअर टर्ब्युलन्स म्हणजे काय?  (Air India Trublance)

जेव्हा आकाशातील हवेचा प्रवाह असमान आणि अनियमित होतो, तेव्हा एअर टर्ब्युलन्स निर्माण होतो. सामान्यतः, हवा स्थिर थरांमध्ये वाहते, परंतु विविध कारणांमुळे यात व्यत्यय येऊ शकतो.

पृथ्वीच्या तापमानामुळे, गरम हवा वर जाते आणि थंड हवा खाली येते, ज्यामुळे औष्णिक अडथळे निर्माण होतात. वारे पर्वतांवर आदळतात, ज्यामुळे वरच्या आणि खालच्या दिशेने लाटा निर्माण होतात. उंच ठिकाणी जेट स्ट्रीमसारख्या जोरदार वाऱ्यांच्या वेगातील फरकामुळेही हवेचा गोंधळ (टर्ब्युलन्स) निर्माण होतो.

ढगांमधील आणि वादळांमधील जोरदार उभे प्रवाह, तसेच इतर विमानांनी मागे सोडलेली हवा, हे घटकदेखील याला कारणीभूत ठरतात. या काळात, विमानाला अचानक वर-खाली किंवा डावी-उजवीकडे हेलकावे बसतात. जर तीव्रता जास्त असेल, तर विमानाला अधिक हेलकावे बसतात.

परिस्थितीनुसार, वैमानिक ऑटोपायलट समायोजित करतात किंवा विमानाचा ताबा स्वतः घेतात. अशा परिस्थितीत, प्रवासी आपले सीट बेल्ट घट्ट बांधतात, कारण सामान खाली पडून इजा होऊ शकते. बहुतेक टर्ब्युलन्स सुरक्षित असतात, कारण आधुनिक विमाने ते सहन करण्यासाठीच बनवलेली असतात. गंभीर परिस्थितीत, विमानाला शांत भागाकडे वळवले जाते.