Bengal Warriorz Beats Haryana Steelers PKL 11 : प्रो कबड्डी लीगच्या 11व्या हंगामातील 31व्या सामन्यात बंगाल वॉरियर्सने हरियाणा स्टीलर्सचा 40-38 असा पराभव केला. बंगाल वॉरियर्सने सातव्या सत्रानंतर पहिल्यांदाच बंगालचा पराभव केला आहे. अशा प्रकारे त्यांनी पाच वर्षांचा दुष्काळ संपवला.

हरियाणा स्टीलर्सविरुद्धच्या सामन्यात विजयाची नोंद करून बंगाल वॉरियर्सने त्यांची विजयी घोडदौड रोखण्याचा प्रयत्न केला आहे. ही लढत चुरशीची होती पण शेवटी बंगालने ती जिंकली.

बंगालने गुणतालिकेतही जोरदार मजल मारली असून चौथे स्थान पटकावले आहे. बंगालने पाच सामन्यांमध्ये हा दुसरा विजय नोंदवला असून तीन सामने जिंकल्यानंतर हरियाणाला आता पराभवाला सामोरे जावे लागले आहे. हरियाणाचा हा मोसमातील दुसरा पराभव आहे.

IPL 2025 Retention : दिग्गजांना धक्का तर नवख्यांना लॉटरी..! जाणून घ्या, आयपीएल संघांनी रिटेन केलेल्या खेळाडूंची पूर्ण List एका क्लिकवर…

अनुभवी रेडर मनिंदर सिंगने बंगालसाठी चमकदार कामगिरी केली आणि या मोसमातील पहिला सुपर-10 लगावला. त्याने एकूण 12 गुण मिळवले. तर कर्णधार फजल अत्राचलीने बचावात चमकदार कामगिरी करत संघासाठी 4 गुण मिळवले. दुसरीकडे, हरियाणा स्टीलर्सकडून मोहम्मदरेझा शादलूने शानदार खेळ करत 9 गुण मिळवले, परंतु त्याला इतर खेळाडूंकडून फारशी साथ मिळाली नाही.