POCO M7 5G Launched | पोकोने भारतीय बाजारात 10 हजार रुपयांपेक्षा कमी बजेटमध्ये बहुप्रतिक्षित POCO M7 5G स्मार्टफोनला लाँच केले आहे. दोन व्हेरिएंटमध्ये येणाऱ्या या फोनमध्ये कंपनीने स्नॅपड्रॅगन प्रोसेसर, 120Hz ॲडॉप्टिव्ह रिफ्रेश रेट, ड्युअल कॅमेरा सेटअपसह अनेक शानदार फीचर्स दिले आहे. POCO M7 5G स्मार्टफोनच्या किंमत, ऑफर आणि फीचर्सविषयी सविस्तर जाणून घेऊयात.

POCO M7 5G चे फीचर्स

पोकोच्या या 5जी स्मार्टफोनमध्ये 6.88-इंच HD+ स्क्रीन दिली असून, याचा रिफ्रेश रेट 120 हर्ट्ज आहे. फोनमधील रॅम 12 जीबीपर्यंत वाढवता येईल. यात कंपनीने स्नॅपड्रॅगन 4 Gen 2 SoC प्रोसेसरचा सपोर्ट दिला आहे. हा फोन साइड-माउंटेड फिंगरप्रिंट स्कॅनरसह येतो. हा फोन Xiaomi हाइपरओएससह अँड्राइड 14 वर काम करतो.

कॅमेऱ्याबद्दल सांगायचे तर यामध्ये फोटोग्राफीसाठी IMX852 सेंसरसह येणारा 50 मेगापिक्सलचा मुख्य कॅमेरा आणि एक सेकेंडरी कॅमेरा दिला आहे. तर सेल्फी व व्हीडिओ कॉलिंगसाठी यात 8 मेगापिक्सलचा फ्रंट कॅमेरा मिळतो.

पोकोच्या या फोनमध्ये कनेक्टिव्हिटीसाठी ड्यूअल 4जी वीओएलटीई, वाय-फाय 802.11 एसी (2.4GHz + 5GHz), ब्लूटूथ 5.0, जीपीएस + ग्लोनास, यूएसबी टाइप-सी पोर्ट दिले आहे. यामध्ये 18 वॉट फास्ट चार्जिंग सपोर्टसह येणारी 5160mAh ची दमदार बॅटरी मिळते. तसेच, बॉक्समध्ये कंपनीने 33W चार्जर दिला आहे.

POCO M7 5G ची किंमत

कंपनीने POCO M7 5G ला भारतात दोन व्हेरिएंटमध्ये लाँच केले आहे. फोनचे बेस व्हेरिएंट 6GB रॅम + 128GB स्टोरेजसह येते. याची किंमत 9,999 रुपये, तर 8GB + 128GB व्हेरिएंटची किंमत 10,999 रुपये आहे. या फोनला तुम्ही सॅटिन ब्लॅक, मिंट ग्रीन आणि ओशन ब्लू या तीन रंगांमध्ये खरेदी करू शकता. या फोनची विक्री 7 मार्चपासून ई-कॉमर्स साइट फ्लिपकार्टवर सुरू होईल.