प्रभात वृत्तसेवा पुणे – राज्य सरकारच्या वतीने महाराष्ट्र शहरी प्रशासकीय सेवेतील मुख्याधिकारी संवर्गातील अधिकाऱ्यांना पदोन्नती देऊन त्यांच्या बदल्या करण्यात आल्या आहेत. त्यानुसार आशा राऊत, तुषार बाबर आणि संतोष टेंगले यांची पुणे महापालिकेत उपायुक्त पदावर प्रतिनियुक्तीने नियुक्ती करण्यात आली आहे. काही प्रतिनियुक्तीवरील अधिकाऱ्यांची पुन्हा पुणे महापालिकेतच पदस्थापना करण्यात आली आहे. शासनाच्या उपसचिव प्रियांका कुलकर्णी छापवाले यांनी हे आदेश जारी केले आहेत.आशा राऊत या यापूर्वी पीएमटीमध्ये मुख्य कार्यकारी अधिकारी पदावर होत्या. संतोष टेंगले हे अहिल्यागर महापालिकेत उपायुक्त होते. टेंगले आता उपायुक्त प्रसाद काटकर यांच्या सेवासहायक आयुक्त पदावर कार्य करतील. तुषार बाबर हे रत्नागिरी जिल्ह्यातील राजापूर नगरपरिषदेत मुख्याधिकारी होते. दरम्यान, उपायुक्त सुनील बल्लाळ यांना काटोल नगरपरिषद येथे मुख्याधिकारी म्हणून पदस्थापना देण्यात आली आहे. सध्या पुणे महापालिकेत कार्यरत उपायुक्त पदावरील अधिकाऱ्यांना पदोन्नती देऊन त्यांचीच पुन्हा उपायुक्त म्हणून पदस्थापना करण्यात आली आहे. त्यात उपायुक्त संतोष वारुळे, अरविंद माळी, विजयकुमार थोरात, प्रशांत ठोंबरे यांचा समावेश आहे.
