Bhumi Padnekar : गुन्हेगारी विश्वावर आधारित ‘दलदल’ ही नवीकोरी वेबसिरीज नुकतीच अमेझॉन प्राइमवर रिलीज झाली आहे.या वेबसिरीजमध्ये भूमी पेडणेकरने साकारलेल्या भूमिकेची प्रेक्षकांकडून प्रशंसा केली जात आहे. मानसिक अस्वस्था आणि त्यातून घडणारी अंगावर काटा आणणारी कथा या वेबसिरीज पाहिला मिळते.

या वेबसिरीजच्या नावातच कथा कशावर आधारित अशू शकते याचा अंदाच लावता येतो. या वेबसिरीजचे जोरदार प्रमोशन भूमि करताना (Bhumi Padnekar) दिसत आहे. नुकतेच तिने एका वाहिनीला मुलाखत दिली. या मुलाखतीत तिला तिच्या सर्वात मोठ्या दलदलविषयी विचारण्यात आले. यावर भूमी म्हणाली, “माझी सर्वात मोठी दलदली म्हणजे इंटरनेट स्क्रोलिंग. सोशल मीडिया वापरताना किती वेळ निघून गेला हे मला कळतही नाही. ही सवय मला सोडायची असून मी हळूहळू ती बदलत असल्याचे भूमिने स्पष्ट केले.

आज सोशल मीडिया एक खूप भयानक जागा बनली आहे. सोशल मीडियावर एखाद्याबद्दल काहीतरी नकारात्मक बोलले गेले तर इतर लोक ते पुन्हा पुन्हा सांगू लागतात आणि ती गोष्ट एक ट्रेंड बनते. लोकांनी जागरूक राहणे आणि या दलदलीतून स्वतःला बाहेर काढणे महत्वाचे असल्याचे भूमि पेडणेकरने सांगितले.

‘दलदल’ ओटीटीवर प्रदर्शित

दलदल ही वेबसिरीज ३० जानेवारी या दिवशी अमेझॉन प्राइमवर प्रदर्शित झाली आहे. या वेबसिरीजमध्ये भूमी पेडणेकर मुख्य भूमिकेत आहे, तर समारा तिजोरी आणि आदित्य रावल या कलाकारांच्या देखील महत्त्वपूर्ण भूमिका आहेत. जया भट्टाचार्य, चिन्मय मांडलेकर, गीता अग्रवाल, संदीप कुलकर्णी, सौरभ गोयल सारखे इतर सहाय्यक पात्र देखील या वेबसिरीजमध्ये लक्ष वेधून घेणाऱ्या भूमिकेत आहेत.

हेही वाचा : Food: गूळ आणि बाजरी पासून बनवा स्वादिष्ट, गोड आणि पौष्टिक चूरमा