Pankaja Munde : मंत्री आणि भाजप नेत्या पंकजा मुंडे यांनी अलीकडेच राजकारणातून निवृत्तीबाबत केलेल्या वक्तव्यानंतर राज्याच्या राजकारणात नव्या चर्चांना सुरुवात झाली आहे. या पार्श्वभूमीवर काँग्रेसचे ज्येष्ठ नेते विजय वडेट्टीवार यांनी पंकजा मुंडे यांना थेट काँग्रेसमध्ये येण्याचे आवाहन करत महाराष्ट्राच्या पहिल्या महिला मुख्यमंत्री होण्याची ऑफर दिली आहे. (Pankaja Munde)

नागपुरात माध्यमांशी बोलताना विजय वडेट्टीवार म्हणाले, “गोपीनाथ मुंडे यांच्या निधनानंतर ओबीसी नेतृत्वाला पक्षात दुय्यम वागणूक मिळत असल्याची भावना निर्माण झाली आहे. अशा परिस्थितीत पंकजा मुंडे यांनी भाजपमधून बाहेर पडून स्वतंत्रपणे नेतृत्व करावे. त्या काँग्रेसमध्ये आल्यास महाराष्ट्राच्या पहिल्या महिला मुख्यमंत्री करण्यासाठी आम्ही पूर्ण सहकार्य करू. याबाबत पक्षाच्या वरिष्ठ नेतृत्वाशी चर्चा करून योग्य निर्णय घेतला जाईल.” (Pankaja Munde)

दरम्यान, पंकजा मुंडे यांनी अलीकडेच एका कार्यक्रमात राजकारणातून निवृत्त होण्याची भावना व्यक्त केली होती. मात्र, जनतेचा उत्साह आणि विश्वास पाहून पुन्हा काम करण्याची प्रेरणा मिळते, असेही त्यांनी स्पष्ट केले होते. त्यांच्या या वक्तव्यानंतर विविध राजकीय स्तरावर चर्चा सुरू असतानाच काँग्रेसकडून आलेल्या या ऑफरमुळे राजकीय वातावरण आणखी तापले आहे. (Pankaja Munde)

यावेळी विजय वडेट्टीवार यांनी देवेंद्र फडणवीस यांच्याबाबतही प्रतिक्रिया दिली. फडणवीस भविष्यात पंतप्रधान होऊ शकतात, या चर्चेवर बोलताना ते म्हणाले, “कोणालाही आपल्या नातेवाईकांबद्दल किंवा सहकाऱ्यांबद्दल मोठी अपेक्षा असणे स्वाभाविक आहे. (Pankaja Munde)

मात्र, त्या निर्णयाचा अधिकार पक्षश्रेष्ठींकडे असतो. नरेंद्र मोदी आणि अमित शाह यांच्या जागी महाराष्ट्रातील एखादा मराठी नेता पंतप्रधान झाला, तर तो राज्यासाठी अभिमानाचा क्षण असेल.” (Pankaja Munde)

तसेच, आंदोलन करणाऱ्या तरुणांबाबत करण्यात आलेल्या काही वक्तव्यांचाही त्यांनी समाचार घेत, आंदोलन करणाऱ्या युवकांना देशद्रोही म्हणणे चुकीचे असल्याचे मत व्यक्त केले. (Pankaja Munde)

Pankaja Munde : पंकजा मुंडे राजकारणातून रिटायर्ड होणार? ‘त्या’ विधानामुळे राजकीय वर्तुळात चर्चांना उधाण

Pankaja Munde : ‘विकासाचे फ्रेंड..’, माफ करण्याचा मोठेपणा असल्याचे म्हणत पंकजा मुंडेंकडून पंतप्रधान मोदींचे कौतुक