Pakistan Airstrikes on Afghanistan :अफगाणिस्तान आणि पाकिस्तान यांच्यातील ड्युरंड रेषेवर तणाव वाढला आहे. 47 तासांपूर्वी झालेला शस्त्रविराम अल्पकालीन ठरला असून, पाकिस्तानने अफगाणिस्तानच्या पक्तिका प्रांतातील बर्मल आणि अर्गुन जिल्ह्यांमधील निवासी भागांवर हवाई हल्ले केल्याचा आरोप आहे. या हल्ल्यात अफगाणिस्तानच्या तीन युवा क्रिकेटपटूंचा मृत्यू झाला आहे. अफगाणिस्तान क्रिकेट बोर्डाने या खेळाडूंची नावे जाहीर केली आहेत, ज्यामध्ये कबीर आगा, सिबगतुल्लाह आणि हारून अशी आहेत.

या तिन्ही खेळाडूंनी देशांतर्गत क्रिकेटमध्ये आपली छाप पाडली होती आणि ते राष्ट्रीय संघात स्थान मिळवण्याच्या प्रयत्नात होते. बोर्डाने दिलेल्या माहितीनुसार, हे खेळाडू पक्तिका प्रांताची राजधानी शरना येथे मैत्रीपूर्ण सामना खेळण्यासाठी गेले होते. सामना संपल्यानंतर उरगुनला परतत असताना हवाई हल्ल्यात त्यांचा मृत्यू झाला.

I am deeply saddened by the loss of civilian lives in the recent Pakistani aerial strikes on Afghanistan. A tragedy that claimed the lives of women, children, and aspiring young cricketers who dreamed of representing their nation on the world stage.

It is absolutely immoral and…

— Rashid Khan (@rashidkhan_19) October 17, 2025

Statement of Condolence

The Afghanistan Cricket Board expresses its deepest sorrow and grief over the tragic martyrdom of the brave cricketers from Urgun District in Paktika Province, who were targeted this evening in a cowardly attack carried out by the Pakistani regime.

In… pic.twitter.com/YkenImtuVR

— Afghanistan Cricket Board (@ACBofficials) October 17, 2025

या हल्ल्याच्या निषेधार्थ अफगाणिस्तानने पाकिस्तान आणि श्रीलंका यांच्यासह खेळल्या जाणाऱ्या ट्राय सीरीजमधून माघार घेण्याचा निर्णय घेतला आहे. अफगाणिस्तानचा स्टार खेळाडू राशिद खानने सोशल मीडियावर एक भावनिक पोस्ट शेअर करत निषेध व्यक्त केला. त्याने लिहिले, “पाकिस्तानच्या हवाई हल्ल्यात अनेक नागरिकांचा बळी गेला, यात महिला, मुले आणि जागतिक स्तरावर देशाचे प्रतिनिधित्व करण्याचे स्वप्न पाहणाऱ्या युवा क्रिकेटपटूंचा समावेश आहे. मी यामुळे अत्यंत दुखी आहे.”

हेही वाचा – Ranji Trophy 2025 : पृथ्वी शॉ-आर्शिनची धमाकेदार सुरुवात, केरळवर महाराष्ट्राची आघाडी!

अफगाणिस्तान क्रिकेट संघाने गेल्या काही वर्षांत आंतरराष्ट्रीय स्तरावर दमदार कामगिरी केली आहे आणि अनेक बलाढ्य संघांना पराभूत केले आहे. मात्र, या हल्ल्याने देशाच्या क्रिकेट समुदायाला मोठा धक्का बसला आहे.