Amit Shah : पूर्वी लोकांना एकनाथ शिंदे गटाचा स्वतंत्रपणे उल्लेख करावा लागायचा, पण आता कोणताही गट उरलेला नाही, आता फक्त एकच शिवसेना आहे, जिचे नेतृत्व एकनाथ शिंदे करत आहेत असा दावा भारतीय जनता पार्टीचे नेते आणि केंद्रीय गृहमंत्री अमित शहा यांनी केला. (Amit Shah)

महाराष्ट्रातील कोल्हापूर येथे श्री अंबाबाई मंदिर कॉरिडॉर (परिसर विकास) प्रकल्पाच्या उद्घाटनानंतर जनसभेला ते संबोधित करत होते. यावेळी त्यांनी उद्धव ठाकरे यांच्या शिवसेनेला लक्ष्य केले. (Amit Shah)

उद्धव ठाकरे यांच्यावर जोरदार निशाणा साधताना ते म्हणाले की, काँग्रेस नेते आणि काँग्रेसच्या मांडीवर बसलेले उद्धवजी घुसखोरांना व्होट बँक बनवून स्वतःचे अस्तित्व टिकवू पाहत आहेत. मला त्यांना स्पष्टपणे सांगायचे आहे की हा देश म्हणजे धर्मशाळा नाही. जे या देशाचे आहेत तेच इथे राहतील. (Amit Shah)

प्रत्येक घुसखोराची ओळख पटवून त्याला देशाबाहेर काढले जाईल. शहा हे कोल्हापुरात प्रसिद्ध महालक्ष्मी मंदिरात नवीन प्रदक्षिणा मार्ग आणि परिवार देवता मंदिराच्या संवर्धन कामाची पायाभरणी करण्यासाठी आले होते. त्यांनी व महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनी एकाच गाडीतून प्रवास केला. (Amit Shah)

 

पंतप्रधान नरेंद्र मोदी यांचा १२ वर्षांचा कार्यकाळ स्वतंत्र भारताच्या इतिहासात अत्यंत महत्त्वपूर्ण असेल. हा कार्यकाळ एका पुनरुज्जीवित राष्ट्राची निर्मिती आणि जागतिक स्तरावर भारताची प्रतिष्ठा वाढवण्यासाठी कायम लक्षात ठेवला जाईल. (Amit Shah)

भारताची निर्मिती आणि देशाची प्रतिष्ठा वाढवल्याबद्दल नरेंद्र मोदी यांच्या १२ वर्षांच्या कार्यकाळाची नोंद सुवर्ण अक्षरांनी केली जाईल, असे नमूद करत शहा म्हणाले की, मोदींच्या नेतृत्वाखाली एकेकाळी अशक्य वाटणाऱ्या अनेक गोष्टी पूर्ण झाल्या आहेत. (Amit Shah)

यात त्यांनी अयोध्येतील राम मंदिराची निर्मिती, काशी विश्वनाथ कॉरिडॉरचा पुनर्विकास, केदारनाथ आणि बद्रीनाथ धाम, तसेच सोमनथ आणि कामाख्या मंदिरांमधील विकासकामांचा उल्लेख केला. (Amit Shah)