Ozar News : शिक्षकांच्या दोन बाजू असतात. त्यांनी स्वतः शिकवावे आणि काही गोष्टी विद्यार्थ्यांकडूनही शिकाव्यात. ज्यांचे आपल्यावर उपकार आहेत, त्यांचे उपकार कधीही विसरू नका. मोबाईल चांगला की वाईट हे ओळखून त्याचा योग्य वापर करा, असा मोलाचा सल्ला ज्येष्ठ सेवानिवृत्त शिक्षक पांडुरंग माळवे गुरुजी यांनी विद्यार्थ्यांना दिला. (Ozar News)

न्यू इंग्लिश स्कूल, शिरोली बुद्रुक येथे शिक्षक दिन आणि पुणे जिल्हा शिक्षण मंडळ या संस्थेच्या ८५ व्या वर्धापन दिनानिमित्त आयोजित कार्यक्रमात ते बोलत होते. वयाच्या ९२ व्या वर्षीही माळवे गुरुजी यांनी आपल्या प्रदीर्घ शैक्षणिक अनुभवातील अनेक आठवणी विद्यार्थ्यांसमोर मांडल्या. त्यांच्या अनुभवकथनाने विद्यार्थ्यांची मने जिंकून घेतली. (Ozar News)

कार्यक्रमाला विघ्नहर सहकारी साखर कारखान्याचे मेडिकल ऑफिसर बी. व्ही. राऊत, पोलीस पाटील अमोल थोरवे, शाळा व्यवस्थापन समितीचे अध्यक्ष निलेश थोरवे, माजी अध्यक्ष सुनील विधाटे, तंटामुक्ती समितीचे अध्यक्ष सचिन थोरवे, पत्रकार तसेच शाळा व्यवस्थापन समितीचे सदस्य संजय थोरवे, स्वप्निल लोहकरे, सांगारे ताई आणि थोरवे ताई आदी मान्यवर उपस्थित होते. (Ozar News)

गुणवंत शिक्षकांचा गौरव  (Ozar News)

यावेळी पोलीस पाटील अमोल थोरवे यांनी विद्यालयातील शिक्षक रामचंद्र अय्यर यांना तालुका गुणवंत पुरस्कार जाहीर झाल्याबद्दल त्यांचे अभिनंदन केले. तसेच विद्यालयाचे माजी पर्यवेक्षक गणेश राऊत यांना रोटरी क्लब ऑफ जुन्नरच्या वतीने नेशन बिल्डर अवॉर्ड मिळाल्याबद्दल त्यांचेही कौतुक करण्यात आले. (Ozar News)

अमोल थोरवे यांनी विद्यार्थ्यांना भविष्यात कोणत्याही परिस्थितीत स्वतःला घडवताना सकारात्मक विचार, मेहनत आणि आत्मविश्वास कसा महत्त्वाचा आहे, याबाबत मार्गदर्शन केले. पत्रकार संजय थोरवे, निलेश थोरवे आणि सचिन थोरवे यांनी विद्यार्थ्यांना करिअरच्या विविध संधी तसेच विद्यार्थ्यांच्या जीवनातील शिक्षकांचे महत्त्व याविषयी मार्गदर्शन केले. (Ozar News)

विद्यार्थ्यांचा ‘एक दिवस शिक्षक’ उपक्रम

शिक्षक दिनाचे औचित्य साधून विद्यालयातील विद्यार्थ्यांनी उत्स्फूर्तपणे ‘एक दिवस शिक्षक’ हा उपक्रम राबविला. विद्यार्थ्यांनी शिक्षकांची भूमिका स्वीकारून वर्गात अध्यापनाचा अनुभव घेतला. (Ozar News)

या उपक्रमामुळे विद्यार्थ्यांना शिक्षकांच्या जबाबदाऱ्या आणि अध्यापन प्रक्रियेचा प्रत्यक्ष अनुभव मिळाला. तसेच विद्यार्थ्यांमध्ये आत्मविश्वास, नेतृत्वगुण, वक्तृत्वकौशल्य आणि जबाबदारीची जाणीव विकसित होण्यास मदत झाली. कार्यक्रमाचे सूत्रसंचालनही विद्यार्थ्यांनी आत्मविश्वासाने केले. विद्यार्थ्यांनी शिक्षकांविषयी कृतज्ञता व्यक्त करत त्यांच्या कार्याचा गौरव केला. (Ozar News)

शिक्षक व विद्यार्थ्यांच्या सहभागाने कार्यक्रम उत्साहात

विद्यालयाचे मुख्याध्यापक प्रसाद हांडे, पर्यवेक्षक राजकुमार गंभीर, सांस्कृतिक विभाग प्रमुख रामचंद्र अय्यर, तसेच इयत्ता दहावीचे वर्गशिक्षक संतोष देवकुळे, प्रियांका पादीर आणि तुकाराम निधन यांच्या नियोजनाखाली कार्यक्रमाचे आयोजन करण्यात आले. (Ozar News)

शिक्षक, शिक्षकेतर कर्मचारी आणि विद्यार्थ्यांच्या उत्स्फूर्त सहभागामुळे शिक्षक दिन व संस्था वर्धापन दिनाचा कार्यक्रम उत्साहपूर्ण वातावरणात पार पडला. या निमित्ताने संपूर्ण विद्यालयात आनंदाचे आणि उत्साहाचे वातावरण निर्माण झाले होते. (Ozar News)

Ozar News : श्री क्षेत्र ओझर येथील महादेव मंदिराचा प्राणप्रतिष्ठा व कलशारोहण सोहळा उत्साहात संपन्न

Ozar News: पर्यटकांसाठी खूशखबर! श्रीक्षेत्र ओझरच्या धरणात लवकरच सुरू होणार नौकाविहार