Naveen Patnaik : कटक येथील प्रसिद्ध ‘एससीबी वैद्यकीय महाविद्यायालय आणि रुग्णालयात’ लागलेल्या भीषण आगीत १२ रुग्णांचा मृत्यू झाल्याच्या घटनेचे पडसाद मंगळवारी ओडिशा विधानसभेत (Naveen Patnaik) उमटले. या दुर्घटनेची नैतिक जबाबदारी स्वीकारून आरोग्यमंत्री मुकेश महालिंग यांनी त्वरित राजीनामा द्यावा, अशी आक्रमक मागणी विरोधी पक्षनेते नवीन पटनायक (Naveen Patnaik) यांनी केली. सोमवारी झालेल्या या दुर्घटनेनंतर पटनायक यांनी रुग्णालयाला भेट देऊन स्थितीची पाहणी केली होती. मंगळवारी विधानसभेत ‘शून्य प्रहरा’ दरम्यान हा मुद्दा उपस्थित करताना विरोधी पक्षनेते नवीन पटनायक सरकारवर कडक शब्दांत ताशेरे ओढले. पटनायक म्हणाले की, ही घटना केवळ एक अपघात नसून प्रशासकीय निष्काळजीपणाचा कळस आहे. Naveen Patnaik रुग्णालयातील सुरक्षा मानकांकडे दुर्लक्ष झाल्यामुळेच निरपराध रुग्णांना आपला जीव गमवावा लागला. राज्य सरकारने जाहीर केलेली २५ लाख रुपयांची मदत ही अत्यंत तुटपुंजी असून, ती किमान ५० लाख रुपये करण्यात यावी, अशी मागणीही त्यांनी केली. केवळ न्यायालयीन चौकशीची घोषणा करून चालणार नाही, तर राजकीय नेतृत्वाने याची जबाबदारी स्वीकारली पाहिजे, असेही मत त्यांनी ठामपणे मांडले. यावेळी काँग्रेसनेही आक्रमक पवित्रा घेत आरोग्यमंत्र्यांसह मुख्यमंत्री मोहन चरण माझी यांच्या राजीनाम्याची मागणी केली. काँग्रेस विधिमंडळ पक्षाचे नेते रामचंद्र कदम यांनी सरकारच्या कार्यक्षमतेवरच प्रश्नचिन्ह उपस्थित केले. आरोग्यमंत्र्यांकडून आरोपांचे खंडन आरोग्यमंत्री मुकेश महालिंग यांनी आरोपांचे खंडन करताना सांगितले की, सरकार रुग्णालयांमधील अग्निशमन यंत्रणा बळकट करण्यासाठी कटिबद्ध आहे. २०२६-२७ च्या अर्थसंकल्पात यासाठी ४०० कोटी रुपयांची तरतूद करण्यात आल्याचे त्यांनी स्पष्ट केले. दरम्यान, विरोधकांच्या जोरदार घोषणाबाजीमुळे विधानसभेचे कामकाज वारंवार तहकूब (Naveen Patnaik) करावे लागले, ज्यामुळे दिवसभरात केवळ २२ मिनिटेच कामकाज होऊ शकले.
