Omraje Nimbalkar : ओमराजेंचा यू-टर्न? ‘ऑपरेशन टायगर’ला मोठा धक्का; ५ खासदारांची खासदारकी धोक्यात?
Omraje Nimbalkar : पवनराजे निंबाळकर हत्याकांड खटल्याच्या निकालानंतर महाराष्ट्राच्या राजकारणात एकापाठोपाठ एक मोठे भूकंप होत आहेत.
Omraje Nimbalkar : धाराशिवचे खासदार ओमराजे निंबाळकर यांच्या एका वक्तव्यामुळे महाराष्ट्राच्या राजकारणात नव्या चर्चांना उधाण आले आहे. पवनराजे निंबाळकर हत्या प्रकरणाचा निकाल लागल्यानंतर त्यांनी अद्याप कोणताही राजकीय निर्णय घेतलेला नसल्याचे स्पष्ट केले. त्यामुळे शिवसेना ठाकरे गटातील कथित बंड आणि ‘ऑपरेशन टायगर’च्या भवितव्याबाबत प्रश्नचिन्ह निर्माण झाले आहे. (Omraje Nimbalkar)
पवनराजे हत्या प्रकरणातील निकालानंतर प्रसारमाध्यमांशी बोलताना ओमराजे निंबाळकर म्हणाले, “मी अद्याप कोणताही राजकीय निर्णय घेतलेला नाही. मतदारसंघात जाऊन मतदारांशी चर्चा करेन आणि त्यानंतरच माझी भूमिका जाहीर करेन. दोन दिवसांत निर्णय सांगेन.” या वक्तव्यामुळे ते शिंदे गटात जाणार असल्याच्या चर्चांवर काही प्रमाणात ब्रेक लागल्याचे मानले जात आहे. (Omraje Nimbalkar)
Omraje Nimbalkar : खासदार ओमराजेंना पहिला मोठा दणका; उद्धव ठाकरेंची साथ सोडणे पडले महागात
बैठकीला गैरहजर का?
शिवसेना ठाकरे गटाच्या संसदीय बैठकीला आणि व्हीप असूनही अनुपस्थित राहिल्याबाबत विचारले असता ओमराजे म्हणाले, “कोर्टाचा निकाल माझ्यासाठी महत्त्वाचा होता. त्यामुळे मी कोणत्याही राजकीय बैठकीला गेलो नाही. निकाल पुढे ढकलला गेल्यामुळेही मी इतरत्र गेलो नाही.” (Omraje Nimbalkar)
पाच खासदारांचे भवितव्य का चर्चेत?
राजकीय सूत्रांच्या चर्चेनुसार, ठाकरे गटाचे एकूण ९ खासदार आहेत. पक्षातून वेगळा संसदीय गट स्थापन करण्यासाठी दोन-तृतीयांश म्हणजे किमान ६ खासदारांची आवश्यकता असते. (Omraje Nimbalkar)
जर ओमराजे निंबाळकर यांनी अखेरीस ठाकरे गटातच राहण्याचा निर्णय घेतला, तर कथित बंडखोरांची संख्या ५ वर येऊ शकते. अशा परिस्थितीत स्वतंत्र गटाच्या वैधतेवर प्रश्न उपस्थित होऊ शकतो आणि पुढील कायदेशीर प्रक्रिया सुरू होण्याची शक्यता व्यक्त केली जात आहे. (Omraje Nimbalkar)
Uddhav Thackeray
काही माध्यमांमध्ये अशी चर्चा आहे की, जर आवश्यक संख्याबळ पूर्ण झाले नाही आणि पक्षाच्या व्हीपचे उल्लंघन झाल्याचे मानले गेले, तर संबंधित खासदारांविरोधात कारवाईची मागणी केली जाऊ शकते. (Omraje Nimbalkar)
पुढील दोन दिवस महत्त्वाचे
ओमराजे निंबाळकर यांनी दोन दिवसांत आपली भूमिका स्पष्ट करण्याचे संकेत दिले आहेत. त्यामुळे ते ठाकरे गटात कायम राहतात की शिंदे गटात जाण्याचा निर्णय घेतात, यावर पुढील राजकीय समीकरणे आणि ‘ऑपरेशन टायगर’चे भवितव्य मोठ्या प्रमाणात अवलंबून राहणार आहे. (Omraje Nimbalkar)
