Omraje Nimbalkar : शिवसेना ठाकरे गटातील सहा खासदारांच्या बंडानंतर राज्याच्या राजकारणात सुरू असलेल्या घडामोडींना आता नवे वळण मिळण्याची चिन्हे दिसत आहेत. धाराशिवचे खासदार ओमराजे निंबाळकर यांनी आपण अद्याप शिवसेना शिंदे गटात जाण्याचा कोणताही अंतिम निर्णय घेतलेला नसल्याचे सांगितल्याने राजकीय चर्चांना उधाण आले आहे. त्यांच्या या भूमिकेमुळे शिंदे गटाच्या ‘ऑपरेशन टायगर’वरही प्रश्नचिन्ह निर्माण झाले आहे. (Omraje Nimbalkar)

ओमराजेंचे मोठे विधान  (Omraje Nimbalkar)

पवनराजे निंबाळकर हत्या प्रकरणाचा निकाल लागल्यानंतर प्रसारमाध्यमांशी बोलताना ओमराजे निंबाळकर यांनी स्पष्ट केले की, “मी शिवसेना शिंदे गटासोबत जाण्याचा निर्णय घेतलेला नाही.” त्यांच्या या वक्तव्यानंतर राजकीय समीकरणांमध्ये पुन्हा एकदा बदल होण्याची शक्यता व्यक्त केली जात आहे. (Omraje Nimbalkar)

मित्र थेट ‘मातोश्री’वर   (Omraje Nimbalkar)

ओमराजे यांच्या या भूमिकेनंतर त्यांच्या निकटवर्तीय आणि आमदार कैलास पाटील यांनी थेट ‘मातोश्री’वर जाऊन चर्चा केल्याची माहिती समोर आली आहे. त्यामुळे ठाकरे गटातही हालचालींना वेग आला असून, ओमराजे यांना पक्षातच कायम ठेवण्यासाठी प्रयत्न सुरू असल्याची चर्चा राजकीय वर्तुळात रंगली आहे. (Omraje Nimbalkar)

‘ऑपरेशन टायगर’ला धक्का? 

सहा खासदारांच्या संभाव्य पक्षांतरामुळे शिंदे गटाला मोठे राजकीय यश मिळाल्याची चर्चा सुरू असतानाच, ओमराजे यांच्या नव्या भूमिकेमुळे या संपूर्ण प्रक्रियेवर परिणाम होण्याची शक्यता व्यक्त केली जात आहे. ते अखेर ठाकरे गटातच राहणार की शिंदे गटात जाणार, याकडे सर्वांचे लक्ष लागले आहे. (Omraje Nimbalkar)

पवनराजे हत्या प्रकरणाचा निकाल

दरम्यान, पवनराजे निंबाळकर हत्या प्रकरणात न्यायालयाने सर्व आरोपींची निर्दोष मुक्तता केली आहे. या निकालानंतर धाराशिवमध्ये तणावाचे वातावरण निर्माण झाले असून, ओमराजे निंबाळकर यांचे कार्यालय आणि व्यावसायिक संकुल खबरदारीचा उपाय म्हणून बंद ठेवण्यात आल्याची माहिती आहे. (Omraje Nimbalkar)

निकालानंतर कार्यकर्त्यांमध्ये नाराजीचे वातावरण असून, “जर सर्व आरोपी निर्दोष असतील, तर पवनराजे निंबाळकर यांची हत्या कोणी केली?” असा सवाल समर्थकांकडून उपस्थित केला जात आहे. (Omraje Nimbalkar)