Mantralaya Theft : राज्याच्या मंत्रालयातील सुरक्षा व्यवस्थेवर प्रश्नचिन्ह निर्माण करणारी एक धक्कादायक घटना समोर आली आहे. शिवसेना नेते आणि राज्याचे मृद व जलसंधारण मंत्री संजय राठोड यांच्या मंत्रालयातील कार्यालयातून तब्बल ८० हजार रुपयांची रोकड चोरीला गेल्याची माहिती आहे. (Mantralaya Theft)

थेट मंत्र्यांच्याच दालनात चोरी झाल्याने प्रशासकीय वर्तुळात खळबळ उडाली आहे. ही रक्कम चोरीला गेल्याचे लक्षात येताच कार्यालयात एकच धावपळ उडाली. रात्री उशिरापर्यंत कसून झाडाझडती घेण्यात आली. (Mantralaya Theft)

या घटनेनंतर आता मंत्रालयातील नियमांवरून नवीन राजकीय आणि प्रशासकीय चर्चा रंगू लागली आहे. नियमांनुसार, मंत्रालयात येणाऱ्या कोणत्याही व्यक्तीला किंवा कर्मचाऱ्याला आपल्यासोबत १० हजार रुपयांपेक्षा जास्त रक्कम आत घेऊन जाण्यास मनाई आहे. (Mantralaya Theft)

असे असताना राठोड यांच्या कार्यालयात तब्बल ८० हजार रुपयांची एवढी मोठी रोकड आली कुठून? आणि ती तिथे का ठेवण्यात आली होती? याबाबत आता चर्चांना उधाण आले आहे. (Mantralaya Theft)

मंत्रालयात व्हीआयपी इमारतीमध्ये सीसीटीव्ही कॅमेरे आणि चोख पोलीस बंदोबस्त असतानाही ही चोरी झाली असून या घटनेबाबत अद्याप कोणतीही अधिकृत पोलीस तक्रार दाखल करण्यात आलेली नाही. (Mantralaya Theft)