Jamkhed News : जामखेड रस्त्यावरील जातेगाव फाट्याजवळ शुक्रवारी सकाळी पावणेबारा वाजेच्या सुमारास एका दूध वाहतूक चालकावर ३ ते ४ अनोळखी व्यक्तींनी कोयत्याने प्राणघातक हल्ला करून त्याची निर्घृण हत्या केल्याची घटना घडली. (Jamkhed News)

या घटनेमुळे खर्डा शहरासह संपूर्ण परिसरात खळबळ उडाली आहे. तानाजी भास्कर बोराडे (वय ४०, रा. माळेवाडी, ता. भूम, जि. धाराशिव) असे मृत्यू झालेल्या दुध व्यावसायिक चालकाचे नाव आहे. (Jamkhed News)

मिळालेल्या माहितीनुसार, तानाजी बोराडे हे माळेवाडी येथील कैलास धर्मा आल्हाट यांच्या पिकअप वाहनावर (क्रमांक MH – 12 KP – 5626) चालक म्हणून काम करत होते. ते दररोज माळेवाडी परिसरातून संकलित केलेले दूध घेऊन खर्डा येथे येत होते. (Jamkhed News)

नेहमीप्रमाणे शुक्रवारी सकाळी दूध घातल्यानंतर, काही अनोळखी इसमांनी बोराटे यांना जातेगाव फाट्याजवळ बोलावून घेतले. बोराडे तेथे पोहोचल्यानंतर संशयितांनी त्यांच्याशी वाद घालत अचानक मारहाण करण्यास सुरुवात केली. (Jamkhed News)

वाद सुरू असतानाच एका इसमाने बोराटे यांच्या मानेवर कोयत्याने सपासप वार केले. हा वार इतका भीषण होता की तानाजी बोराडे रक्ताच्या थारोळ्यात जागीच कोसळले. बोराटे जमिनीवर कोसळताच आरोपींनी तातडीने तेथून पळ काढला. (Jamkhed News)

घटनेची माहिती मिळताच खर्डा पोलीस ठाण्याचे सहाय्यक पोलीस निरीक्षक (API) उज्ज्वलसिंह राजपूत हे आपल्या पथकासह तातडीने घटनास्थळी दाखल झाले. त्यांनी रक्ताच्या थारोळ्यात पडलेल्या गंभीर जखमी बोराडे यांना रुग्णवाहिकेतून जामखेड येथील ग्रामीण रुग्णालयात उपचारासाठी रवाना केले. (Jamkhed News)

मात्र, रुग्णालयात पोहोचण्यापूर्वीच वाटेत त्यांचा मृत्यू झाला असल्याचे तेथील वैद्यकीय अधिकाऱ्यांनी तपासणीअंती घोषित केले. घटनेचे गांभीर्य ओळखून सहाय्यक पोलीस निरीक्षक उज्ज्वलसिंह राजपूत यांनी वरिष्ठ पोलीस अधिकाऱ्यांना याबाबतची माहिती दिली असून, घटनास्थळावरून महत्त्वाचे पुरावे गोळा करण्यासाठी फॉरेन्सिक (न्यायवैद्यक) टीमला पाचारण केले आहे. (Jamkhed News)

भरदिवसा मुख्य रस्त्यावर घडलेल्या या हत्याकांडामुळे खर्डा शहरात विविध चर्चांना उधाण आले असून, हा खून जुन्या वैमनस्यातून झाला की अन्य काही कारणातून याचे गूढ अद्याप कायम आहे. पोलीस सर्व संशयित कोनांतून या प्रकरणाचा सखोल तपास करत असून फरार आरोपींचा माग काढण्यासाठी पोलीस पथके रवाना करण्यात आली आहेत. या प्रकरणाचा पुढील तपास एपीआय उज्ज्वलसिंह राजपूत यांच्या मार्गदर्शनाखाली खर्डा पोलीस करत आहेत. (Jamkhed News)

Jamkhed News : जामखेड हादरलं! कृषी महाविद्यालयाच्या वसतिगृहात गुंडगिरीचा नंगानाच; रॅगिंगविरोधात तक्रार केल्याने विद्यार्थ्यावर प्राणघातक हल्ला

Jamkhed News : मनोज जरांगेंच्या उपोषणाला पाठिंबा; ४ सप्टेंबरला जामखेड शहर-तालुका बंदची हाक