Manoj Jarange – महाराष्ट्रातील जालना जिल्ह्यातील अंतरवली सराटी येथे काल पासून उपोेषणाला बसलेले मराठा समाजाचे नेते मनोज जरंगे यांचे उपोषण रविवारी दुसऱ्या दिवशीही सुरूच होते.

राज्य सरकारने सगेसोयरे अधिसूचनेची त्वरीत अंमलबजावणी करून मराठ्यांना ओबीसी म्हणून मान्यता द्यावी या मागणीसाठी त्यांनी हे उपोेषण सुरू केले आहे, ज्यामुळे मराठा समाजाला कुणबी प्रमाणपत्र मिळाल्यानंतर ओबीसी कोट्याचा लाभ मिळण्याचा मार्ग मोकळा होणार आहे.

आज येथे पत्रकारांशी बोलताना जरांगे यांनी भाजपचे आमदार प्रवीण दरेकर यांच्या काही विधानांवर संतप्त प्रतिक्रीया दिली. ते म्हणाले की, दरेकर यांना मराठा आंदोलन मोडीत काढण्याचे कंत्राट देण्यात आले आहे,

जर त्यांनी मला तुरुंगात टाकले तर विधानसभा निवडणुकीत भाजपचे सर्व उमेदवार पराभूत होतील याची खात्री बाळगा असेही त्यांनी नमूद केले.

दरेकर हे महाराष्ट्राचे उपमुख्यमंत्री देवेंद्र फडणवीस यांच्या इशाऱ्यावर काम करत आहेत असा आरोप करून जरांगे म्हणाले की, दरेकरांसारख्या लोकांमुळे भाजपचे खूप नुकसान होईल.

विधानसभा निवडणुकीपूर्वी महाराष्ट्र सरकारने मराठ्यांना कुणबी म्हणून मान्यता देणारा कायदा केला नाही तर भाजपच्या विरोधात प्रचार करून आपला पराभव निश्चित करू, असेही जरांगे यांनी स्पष्ट केले.

प्रविण दरेकर यांनी अलीकडेच जरांगे यांचे मराठा आरक्षण आंदोलन राजकीय असल्याचे म्हटले होते आणि हे आंदोलन समाजहितापेक्षा वैयक्तिक महत्त्वाकांक्षेने चालवले जात असल्याचा आरोपही दरेकरांनी केला होता.