डब्लिन – कर्मचाऱ्याने आठ ते दहा तास काम करायचे आणि महिन्याच्या महिन्याला पगार घ्यायचा हा एक सर्वसाधारण नियम असला तरी आयर्लंडमध्ये मात्र वेगळीच घटना समोर आली आहे. कोणतेही काम न करता बसून असणाऱ्या एका कर्मचाऱ्याला तब्बल एक कोटी रुपये पगार दिला जात असून आपल्याला कोणतेही काम दिले जात नसल्याबद्दल या कर्मचाऱ्याने आता आपल्या बॉसलाच कोर्टात खेचले आहे.
डर्माट ऍलेस्टर मिल्स असे या कर्मचाऱ्यांचे नाव असून तो आयरिश रेल्वे कंपनीत फायनान्स डिपार्टमेंटमध्ये नोकरीला आहे पण; काही महिन्यापूर्वी त्याने या डिपार्टमेंटमधील एक गैरव्यवहार बाहेर काढल्यानंतर त्याच्या बॉसने त्याला दैनंदिन कामातून बाजूला केले आहे. त्यामुळे दररोज तो फक्त कामावर येतो. त्याला कोणतेही काम दिले जात नाही. या डिपार्टमेंटमधला गैरव्यवहार बाहेर काढण्याची शिक्षा आपल्याला अशा प्रकारे दिली जात असल्याचा दावा आता डर्माटने केला असून त्याने बॉसला कोर्टात खेचले आहे.
तो दररोज नेहमीच्या वेळेला आपल्या कार्यालयात येताना तो ही टाइम्स आणि द इंडिपेंडेंट ही दोन वृत्तपत्रे घेऊन येतो याशिवाय त्याच्यासोबत त्याचा सॅंडविचचा डबा असतो. दिवसभर ही सर्व वृत्तपत्रे वाचून काढणे आणि भूक लागल्यावर सॅंडविच काढणे हाच त्याचा दिनक्रम आहे. अनेक वेळा मागणी करूनही त्याच्या बॉसने त्याला कोणतेही काम दिलेले नाही. काम न करता दरमहा एक कोटी रुपये पगार घेणे मला योग्य वाटत नसल्यानेच मी मला काम द्यावे अशी मागणी करण्यासाठी न्यायालयात दाद मागितली आहे असे त्याने सांगितले आहे.
Jammu & Kashmir : नॅशनल कॉन्फरन्सच्या अध्यक्षपदी ‘फारूख अब्दुल्लां’ची फेरनिवड
त्याच्या टेबलवर कॉम्प्युटर आहे पण त्या कॉम्प्युटरवर त्याला कामाचा कोणताही इमेल येत नाही किंवा तो सुद्धा त्यावरून ऑफिस मधील कर्मचाऱ्यांना कामाबाबत ई-मेल पाठवू शकत नाही. बॉसच्या सांगण्यावरून त्याच्या डिपार्टमेंटमधील इतर कोणताही कर्मचारी त्याच्यासाठी कामाच्या निमित्ताने संपर्क साधत नाही. त्याच्या मनात आपल्याला वाळीत टाकल्याची भावना वाढीस असून आपण जो पगार घेत आहोत त्याच्या बदल्यात काम मिळावे अशी मागणी करणारी याचिका त्याने न्यायालयात दाखल केली आहे. त्या याचिकेमध्ये आपल्या बॉसच्या विरोधात तक्रारही केली आहे.