MAMATA BANERJEE। पश्चिम बंगालच्या मुख्यमंत्री ममता बॅनर्जी यांनी काल मोठी घोषणा केली आहे. त्यांनी सोशल मिडीयावर एक पोस्ट करत, “२०११ पासून राज्य सरकारने जन्मठेपेची शिक्षा भोगणाऱ्या ८४० कैद्यांना सोडले आहे, या सर्वांनी १४ वर्षांहून अधिक काळ शिक्षा भोगली होती. आता योग्य कायदेशीर प्रक्रियेनंतर ४५ अतिरिक्त कैद्यांना सोडण्यात येत आहे.” असेही मुख्यमंत्र्यांनी जाहीर केले आहे. मुख्यमंत्र्यांनी सुटका झालेल्या व्यक्तींचे आणि त्यांच्या कुटुंबियांचे अभिनंदन केले आणि सांगितले की तुरुंगवासादरम्यान त्यांचे चांगले वर्तन या निर्णयामागील एक प्रमुख घटक असल्याचे म्हटले. त्यांनी एका पोस्टमध्ये बोलताना, “आमच्या सरकारने जन्मठेपेची शिक्षा भोगणाऱ्या अनेक कैद्यांना कायदेशीररित्या सोडले आहे.”असे म्हटले. तुरुंगवासादरम्यान चांगले वर्तन MAMATA BANERJEE। ममता बॅनर्जी यांनी आपल्या पोस्टमध्ये पुढे बोलताना, “२०११ पासून अशा ८४० लोकांना सोडण्यात आले आहे. आणखी ४५ कैद्यांना कायदेशीररित्या सोडण्यात येत आहे. मी त्यांचे आणि त्यांच्या कुटुंबियांचे अभिनंदन करते.” असे म्हटले. तसेच सुधारगृहांच्या पुनर्वसनात्मक भूमिकेवर भर देताना त्यांनी लिहिले, “मला माहित आहे की तुरुंगवासादरम्यान त्यांचे वर्तन चांगले होते.” ही सुटका याचा पुरावा आहे.असेही त्यांनी यावेळी म्हटले. मुख्यमंत्र्यांनी आशा व्यक्त केली की सुटका झालेले कैदी सुधारित जीवन जगतील. ते म्हणाले, “मला आशा आहे की हे सुटलेले कैदी त्यांच्या नवीन आणि मुक्त जीवनात चांगले नागरिक बनतील आणि तेव्हाच आमचे प्रयत्न यशस्वी होतील.” दुर्गा पूजा समितीसाठी भावगीताचे बोल लिहिले MAMATA BANERJEE। मुख्यमंत्री ममता बॅनर्जी यांनी कोलकाता येथील दुर्गा पूजा समितीसाठी भावगीत (थीम गाणे) लिहिले आहे आणि एका राज्यमंत्र्यांनी हे गाणे गायले आहे. उत्तर कोलकाता येथील ताला प्रतोय दुर्गा पूजा समितीने म्हटले आहे की हे त्यांचे शताब्दी वर्ष आहे आणि मुख्यमंत्र्यांनी त्यांच्यासाठी थीम गाणे लिहिण्याचा त्यांना सन्मान आहे. आयोजकांच्या वतीने ध्रुबज्योती बोस सुवो म्हणाले, “आपण ताला प्रतोयची १०० वर्षे साजरी करत असताना, ‘बीज आंगन’ हे दुर्गापूजेच्या अमर आत्म्याला आणि बंगालच्या सांस्कृतिक वारशाला आदरांजली आहे.” मुख्यमंत्र्यांनी आमच्या शताब्दी वर्षासाठी हे विशेष गाणे लिहिले आहे याचा आम्हाला सन्मान वाटतो, जे इंद्रनील सेन यांनी सुंदरपणे गायले आहे.
