Maharashtra Politics : मावळ तालुक्यातील भाजे ग्रामपंचायतीच्या राजकारणात मोठी उलथापालथ झाली आहे. ग्रामपंचायत कराच्या थकबाकीच्या प्रकरणात सरपंच, उपसरपंचासह तब्बल ६ सदस्यांना अपात्र ठरवण्यात आले आहे. अतिरिक्त विभागीय आयुक्त कविता द्विवेदी यांनी याबाबत आदेश दिले आहेत. (Maharashtra Politics)

भाजे ग्रामपंचायतीमध्ये सरपंचासह एकूण १० सदस्यांची संस्था आहे. यामध्ये राष्ट्रवादी काँग्रेसचे ६, तर भाजपचे ४ सदस्य असल्याचे सांगण्यात आले आहे. अपात्र ठरवण्यात आलेल्यांमध्ये सरपंच प्रिया ओव्हाळ, उपसरपंच कोमल केदारी, सदस्य विकास वाल्हेकर, प्रमोद ढगे, सारिका पदमुले आणि कविता चौरे यांचा समावेश आहे. (Maharashtra Politics)

कर थकबाकी ठरली अपात्रतेचे कारण

महाराष्ट्र ग्रामपंचायत अधिनियमातील संबंधित तरतुदींनुसार ग्रामपंचायत कराची थकबाकी विहित मुदतीत न भरल्याने ही कारवाई करण्यात आली आहे. या प्रकरणी प्रताप गरवड आणि शेखर दळवी यांनी तक्रार अर्ज दाखल केला होता. (Maharashtra Politics)

त्यानंतर प्रकरणाची चौकशी, सुनावणी आणि संबंधित कागदपत्रांची पाहणी करण्यात आली. या प्रक्रियेनंतर अतिरिक्त विभागीय आयुक्त कविता द्विवेदी यांनी सहाही सदस्यांना अपात्र ठरवण्याचा आदेश दिला. (Maharashtra Politics)

‘राजकीय षड्यंत्र’ असल्याचा राष्ट्रवादीच्या सदस्याचा दावा

या कारवाईनंतर राजकीय आरोप-प्रत्यारोपांनाही सुरुवात झाली आहे. राष्ट्रवादी काँग्रेसचे अपात्र सदस्य विकास वाल्हेकर यांनी ही कारवाई राजकीय हेतूने करण्यात आल्याचा दावा केला आहे. “राजकीय आसापोटी ग्रामसेवकाला हाताशी धरून आमचे राजकीय अस्तित्व संपवण्याचे षड्यंत्र विरोधकांनी रचले आहे,” असा आरोप वाल्हेकर यांनी केला आहे. (Maharashtra Politics)

तर ग्रामसेवक गजानन जाधव यांनी वेगळी भूमिका मांडली आहे. सरपंचांसह संबंधित सदस्यांनी ग्रामपंचायत कर भरला नसल्यामुळे त्यांच्यावर ही कारवाई झाल्याचे त्यांनी सांगितले. (Maharashtra Politics)

भाजे ग्रामपंचायतीची सत्ता आता कुणाच्या हातात?

या निर्णयामुळे भाजे ग्रामपंचायतीतील सत्तेची समीकरणे बदलण्याची शक्यता आहे. एकाच वेळी सरपंच, उपसरपंच आणि चार सदस्य अपात्र ठरल्याने ग्रामपंचायतीच्या पुढील कारभारावर त्याचा काय परिणाम होणार, हा प्रश्न उपस्थित झाला आहे. (Maharashtra Politics)

दरम्यान, या निर्णयाविरोधात संबंधितांकडून पुढील कायदेशीर पाऊल उचलले जाते का, याकडेही लक्ष लागले आहे. भाजे ग्रामपंचायतीतील सत्तेचे गणित आणि आगामी राजकीय घडामोडींवर या निर्णयाचा काय परिणाम होतो, याकडे संपूर्ण मावळ तालुक्याचे लक्ष लागले आहे. (Maharashtra Politics)

Maharashtra Politics : मोठी घडामोड..! शिंदेंच्या शिवसेनेचा सत्तेतून बाहेर पडण्याचा इशारा, महायुतीत खळबळ

Maharashtra Politics : आमदार पुत्रासह ७ बड्या नेत्यांची पक्षातून हाकलपट्टी; एकनाथ शिंदेंचा मोठा निर्णय