Maharashtra Politics : पालघर येथील रिलीफ (रेल्वे) हॉस्पिटलमधील कर्मचाऱ्याला मारहाण केल्याच्या प्रकरणाने राजकीय वर्तुळात खळबळ उडाली आहे. या घटनेप्रकरणी पालघर पोलिसांनी गुन्हा दाखल करून तपास सुरू केला आहे. त्यानंतर आता शिवसेनेकडूनही संबंधित पदाधिकारी आणि कार्यकर्त्यांविरोधात कठोर कारवाई करण्यात आली आहे. (Maharashtra Politics)

जिल्हाप्रमुख कुंदन संखे, शहरप्रमुख राहुल घरत आणि पालघरचे आमदार राजेंद्र गावित यांचे पुत्र रोहित गावित यांच्यासह एकूण सात जणांना पक्षातून निलंबित करण्यात आले आहे. त्यामुळे या कारवाईची पालघरच्या राजकीय वर्तुळात जोरदार चर्चा सुरू झाली आहे. (Maharashtra Politics)

मारहाणीचा व्हिडिओ व्हायरल; शहरप्रमुखाला अटक

हॉस्पिटल कर्मचाऱ्याला मारहाण केल्याच्या घटनेनंतर शहरप्रमुख राहुल घरत यांनी संबंधित कर्मचाऱ्याच्या कानशिलात लगावल्याचा व्हिडिओ सोशल मीडियावर मोठ्या प्रमाणात व्हायरल झाला. (Maharashtra Politics)

व्हिडिओ समोर आल्यानंतर पालघर पोलिसांनी कारवाई करत राहुल घरत यांना अटक केली. या प्रकरणात कुंदन संखे आणि राहुल घरत यांच्यासह एकूण १७ जणांविरोधात पालघर पोलीस ठाण्यात गुन्हा दाखल करण्यात आला आहे. (Maharashtra Politics)

दरम्यान, उर्वरित संशयितांची चौकशी सुरू असून, तपासातून समोर येणाऱ्या तथ्यांच्या आधारे पुढील कायदेशीर कारवाई केली जाणार असल्याचे पोलिसांकडून सांगण्यात आले आहे. (Maharashtra Politics)

एकनाथ शिंदेंचा इशारा अन् पक्षाची मोठी कारवाई

या घटनेची गंभीर दखल घेत शिवसेना पक्षप्रमुख आणि उपमुख्यमंत्री एकनाथ शिंदे यांनी यापूर्वीच पक्षाची भूमिका स्पष्ट केली होती. मारहाणीच्या प्रकाराचे कोणत्याही परिस्थितीत समर्थन केले जाणार नाही आणि दोषींवर कठोर कारवाई केली जाईल, असा स्पष्ट इशारा त्यांनी दिला होता. यानंतर पक्षाकडून तातडीने कारवाई करत जिल्हाप्रमुख, शहरप्रमुख आणि आमदाराच्या पुत्रासह सात पदाधिकारी व कार्यकर्त्यांना निलंबित करण्यात आले. (Maharashtra Politics)

पोलिस तपास सुरूच

एकीकडे पोलिसांनी राहुल घरत यांना अटक करून या प्रकरणातील इतर संबंधितांची चौकशी सुरू ठेवली आहे. तर दुसरीकडे शिवसेनेनेही पक्षांतर्गत कठोर कारवाई केली आहे. (Maharashtra Politics)

पोलिसांची कायदेशीर कारवाई आणि पक्षाकडून करण्यात आलेले निलंबन यामुळे पालघरच्या राजकारणात या प्रकरणाला आता वेगळे वळण मिळाले आहे. या प्रकरणाच्या पुढील तपासात आणखी काय समोर येते, याकडे सर्वांचे लक्ष लागले आहे. (Maharashtra Politics)

Maharashtra Politics : मोठी बातमी…! बारामतीत पुन्हा ‘पवार विरुद्ध पवार’; ‘या’ निवडणुकीत सुनेत्रा पवारांसमोर युगेंद्र पवारांचे आव्हान

Maharashtra Politics : कष्टकरी बहिणींच्या डोक्यावर हक्काचे छप्पर; स्वतःचे घर मिळवून देण्याचा आमदार सत्यजीत तांबेंचा निर्धार