Maharashtra Rain : राज्याला पावसाने झोडपले! मुंबईत ३०० मिमी, तर माथेरानमध्ये ४०८ मिमी पावसाची नोंद
Maharashtra Rain : गेल्या दोन दिवसांपासून सुरू असलेल्या मुसळधार पावसाने (Heavy Rainfall) रविवारी संपूर्ण राज्याला अक्षरशः झोडपून काढले आहे.
Maharashtra Rain : राज्यात मुंबई, कोकणासह विर्दभातील अनेक भागाला रविवारी जोरदार मुसळधार पावसाने झोडपले आहे. अनेक भागात रस्त्यांना नद्यांचे स्वरुप आले होते. मोठ्या प्रमाणात रस्त्यावर पाणी साचले होते. (Maharashtra Rain)
मुंबई, नालासोपारा, भिवंडी, ठाणे, पुणे, नाशिक, रत्नागिरी, पालघर, अमरावती, अकोला कोल्हापूर, या शहरात जोरदार पाऊस सुरु आहे. त्यामुळे येथील अनेक नद्यांना पूर आले आहेत. रस्त्यावर पाणीच पाणी दिसत आहेत. तसेच, वादळी वाऱ्यामुळे अनेक ठिकाणी झाडे कोसळल्याच्या घटनासमोर आल्या आहेत. (Maharashtra Rain)
मुंबईत २४ तासांत अनेक भागांत २०० मिमीपेक्षा जास्त पावसाची नोंद झाली, तर काही भागांत तब्बल ३०० मिमी पावसाची नोंद झाली आहे. आज सकाळी मेट्रो आणि बेस्ट बसेससह सार्वजनिक वाहतूक सेवा सुरळीत सुरू होत्या. (Maharashtra Rain)
मात्र उपनगरीय रेल्वे सेवा काहीशा विलंबाने चालत असल्याच्या तक्रारी प्रवाशांनी केल्या. रायगड जिल्ह्यात गेल्या चोवीस तासात सरासरी २१५.४५ मिमी पावसाची नोंद झाली आहे. जिल्ह्यात सर्वाधिक पाऊस हा माथेरानमध्ये ४०८ मिमी पाऊस पडला आहे. (Maharashtra Rain)
मुसळधार पावसाने रायगड जिल्ह्यात धुमाकूळ घातला असून अनेक भागात पूरस्थिती निर्माण झाली आहे. पावसामुळे मुंबई गोवा महामार्गावर पाणीच पाणी साचले असल्याने वाहतूक ठप्पा झाली आहे. (Maharashtra Rain)
Mumbai Rain : मुंबईत पावसाचा तिसरा बळी; मनसैनिकांचे ठिय्या आंदोलन, पोलीस आणि कार्यकर्ते भिडले
विदर्भातही पावसाचा जोर कायम असून बुलढाण्याच्या चिखली तालुक्यातील मिसाळवाडी परिसरात ढगफुटी सदृश पावसाने भीषण पूरस्थिती निर्माण झाली आहे. यात गावाचा तालुक्याशी संपर्क तुटला आहे. (Maharashtra Rain)
दुसरीकडे गोसीखुर्द धरणाच्या पाणलोट क्षेत्रामध्ये झालेल्या मुसळधार पावसामुळे आणि सोबतच गोंदिया जिल्ह्यातील धापेवाडा आणि पुजारीटोला धरणातून होत असलेल्या पाण्याच्या विसर्गामुळे काल भंडारा जिल्ह्यातील गोसेखुर्दचे सर्व 33 दरवाजे अर्धा मीटरने उघडण्यात आले होते. (Maharashtra Rain)
मान्सून पूर्व पाऊस, पुणे.
मात्र, रविवारी पावसाने उसंत घेतल्याने 6 दरवाजे कमी करून 27 दरवाजांमधून पाण्याचा विसर्ग सुरू करण्यात आला आहे. राज्यात मोसमी पावसाचा जोर वाढलेला असताना मराठवाड्यात अद्यापही जोरदार पावसाची प्रतीक्षा आहे. (Maharashtra Rain)
दोन दिवसांपासून मध्यम ते हलक्या सरी कोसळत आहेत. जुलैच्या पहिल्या आठवड्यातही जेमतेम पाऊस झाला आहे. छत्रपती संभाजीनगर शहरात भीजपाऊस झाला आहे. शुक्रवारी रात्रभर रिमझिम पाऊस सुरू होता. (Maharashtra Rain)
