Professor Training : राष्ट्रीय शैक्षणिक धोरणाची 2020 प्रभावी अंमलबजावणी करण्यासाठी महाराष्ट्र सरकारने एक महत्त्वपूर्ण पाऊल उचलले असून, राज्यातील सर्व महाविद्यालयांचे प्राचार्य, संचालक आणि प्राध्यापकांसाठी विशेष प्रशिक्षण आता अनिवार्य करण्यात आले आहे. (Professor Training) उच्च व तंत्रशिक्षण मंत्री चंद्रकांत पाटील यांनी गुरुवारी या निर्णयाची घोषणा केली. राज्यात शैक्षणिक वर्ष २०२६-२७ पासून नवीन चार वर्षांचे पदवी अभ्यासक्रम सुरू होत आहेत. या पार्श्वभूमीवर, मे महिन्याच्या मध्यापासून हे ऑनलाइन प्रशिक्षण टप्प्याटप्प्याने सुरू होईल. महाराष्ट्र राज्य विद्याशाखा विकास प्रबोधनी द्वारे लर्निंग मॅनेजमेंट सिस्टिम विकसित केली जात असून, त्याद्वारे हे स्वयंचलित प्रशिक्षण दिले जाईल. यामध्ये अनुदानित आणि विनाअनुदानित अशा दोन्ही प्रकारच्या महाविद्यालयांचा समावेश असेल. (Professor Training) नवीन शैक्षणिक आराखड्यात चार वर्षांची पदवी, ऑनर विथ रिसर्च, क्रेडिट सिस्टम आणि बहु-प्रवेश व निर्गमन यांसारखे आमूलाग्र बदल होणार आहेत. हे बदल संपूर्ण राज्यात एकसमान पद्धतीने राबवले जावेत आणि अंमलबजावणीदरम्यान कोणतीही प्रशासकीय किंवा शैक्षणिक अडचण येऊ नये, या उद्देशाने हे प्रशिक्षण सक्तीचे करण्यात आले आहे. (Professor Training) उच्च शिक्षण अधिक लवचिक आणि संशोधनभिमुख बनवण्यासाठी शिक्षक आणि प्रशासकांना या नवीन रचनेचे स्पष्ट आकलन असणे आवश्यक असल्याचे मंत्री पाटील यांनी यावेळी नमूद केले. जून महिन्यापर्यंत हे प्रशिक्षण पूर्ण करण्याचे उद्दिष्ट ठेवण्यात आले आहे. (Professor Training)
