Maharashtra Weather Update : राज्यात गेल्या काही दिवसांपासून तीव्र उन्हाच्या झळा आणि वाढते तापमान सहन करणाऱ्या नागरिकांना आता काहीसा दिलासा मिळण्याची चिन्हे दिसत आहेत. १८ ते २० एप्रिलदरम्यान पुण्यासह राज्यातील विविध भागांत मेघगर्जना, विजांचा कडकडाट, तसेच ताशी ३० ते ४० किलोमीटर वेगाने वाहणाऱ्या वाऱ्यांसह हलक्या ते मध्यम स्वरूपाच्या पावसाची शक्यता हवामान विभागाने वर्तवली आहे. एप्रिलच्या सुरुवातीला राज्यातील काही भागांत गारपीट झाली होती. त्यानंतर मात्र तापमानात सातत्याने वाढ होत असून विदर्भ व मराठवाड्यातील काही भागांमध्ये उष्णतेची लाट जाणवत आहे. पुणे परिसरातही उष्णतेच्या लाटेसदृश परिस्थिती निर्माण झाली असून नागरिकांना प्रखर उकाड्याचा सामना करावा लागत आहे. या पार्श्वभूमीवर हवामानात होत असलेला बदल महत्त्वाचा ठरत आहे. (Maharashtra Weather Update) हवामान विभागाच्या माहितीनुसार, वातावरणाच्या खालच्या थरात (समुद्रसपाटीपासून सुमारे १.५ किमी उंचीपर्यंत) वाऱ्याची खंडितता ईशान्य मध्य प्रदेशातील चक्रीय स्थितीपासून मन्नारच्या आखातापर्यंत मराठवाडा व विदर्भ मार्गे विस्तारलेली आहे. तसेच मधल्या थरात (३.१ ते ५.८ किमी उंचीवर) कर्नाटक व लगतच्या महाराष्ट्रावर प्रतिचक्रीय स्थिती स्थिरावलेली आहे. या हवामानस्थितीच्या पार्श्वभूमीवर काही जिल्ह्यांना यलो अलर्ट देण्यात आला आहे. हेही वाचा – “देशाचा निवडणूक नकाशा बदलण्याचा प्रयत्न”; लोकसभेत राहुल गांधींचा हल्लाबोल १८ एप्रिल : सोलापूर, धाराशीव १९ एप्रिल : सोलापूर, धाराशीव, लातूर, नांदेड २० एप्रिल : अहिल्यानगर, पुणे, सातारा, बुलढाणा, अकोला, अमरावती, परभणी, हिंगोली, नांदेड या जिल्ह्यांत मेघगर्जना, विजांचा कडकडाट आणि जोरदार वाऱ्यांसह हलका ते मध्यम पाऊस पडण्याची शक्यता आहे. दरम्यान, उष्णतेच्या लाटेचाही इशारा देण्यात आला आहे. १८ एप्रिल रोजी मध्य महाराष्ट्र, मराठवाडा आणि विदर्भातील काही भागांत, तर १९ एप्रिल रोजी विदर्भातील काही ठिकाणी उष्णतेची लाट येण्याची शक्यता असून या भागांनाही यलो अलर्ट जारी करण्यात आला आहे. (Maharashtra Weather Update) Maharashtra Weather Update : महाराष्ट्रात पुढील तीन दिवस पावसाचा इशारा; ‘या’ 12 जिल्ह्यांना यलो अलर्ट हवामानतज्ज्ञ अनुपम कश्यपी यांच्या मते, १८ एप्रिलच्या संध्याकाळपासून राज्यातील काही भागांत मेघगर्जनेसह पावसाला सुरुवात होऊ शकते. १९ व २० एप्रिल रोजी मध्य महाराष्ट्र आणि मराठवाड्यात पावसाची शक्यता अधिक आहे. पुण्यात दुपारनंतर आकाश अंशतः ढगाळ राहून हलक्या स्वरूपाचा पाऊस पडू शकतो, तर २० एप्रिलच्या सुमारास मुंबईतही पावसाची शक्यता वर्तवण्यात आली आहे. ( Maharashtra Weather Update)