Maharashtra Politics : महाराष्ट्राच्या राजकारणात पुन्हा एकदा मंत्रिमंडळ फेरबदलाच्या चर्चांना उधाण आले आहे. उपमुख्यमंत्री सुनेत्रा पवार यांच्या नेतृत्वाखालील राष्ट्रवादी काँग्रेसमधील एका माजी मंत्र्याला मुख्यमंत्री देवेंद्र फडणवीस यांच्या मंत्रिमंडळात पुन्हा संधी मिळण्याची शक्यता वर्तवली जात आहे. यासंदर्भात महायुतीतील वरिष्ठ नेत्यांच्या भेटीगाठी सुरू असल्याची माहिती सूत्रांनी दिली आहे. (Maharashtra Politics)

माजी मंत्र्याच्या पुनरागमनासाठी हालचाली?

सूत्रांच्या माहितीनुसार, राष्ट्रवादी काँग्रेसमधील एका माजी मंत्र्याच्या मंत्रिमंडळातील पुनरागमनासाठी पक्षातील वरिष्ठ नेत्यांनी पुढाकार घेतला आहे. यासाठी महायुतीतील प्रमुख नेत्यांशी चर्चा झाल्याचे सांगितले जात आहे. (Maharashtra Politics)

रविवारी रात्री एका माजी मंत्र्याने आणि वरिष्ठ मंत्र्याने महायुतीतील प्रमुख नेत्यांची भेट घेतल्याची माहिती समोर आली आहे. मात्र, या भेटीत नेमकी कोणती चर्चा झाली आणि संबंधित माजी मंत्र्याचे नाव काय, याबाबत अधिकृत माहिती अद्याप समोर आलेली नाही. (Maharashtra Politics)

सुनेत्रा पवारांकडून मुख्यमंत्र्यांशी चर्चा?

सूत्रांच्या दाव्यानुसार, राष्ट्रवादी काँग्रेसच्या वरिष्ठ नेत्यांनी संबंधित माजी मंत्र्याच्या मंत्रिमंडळातील प्रवेशाला सकारात्मक प्रतिसाद दिला आहे. या पार्श्वभूमीवर सुनेत्रा पवार, पार्थ पवार आणि जय पवार यांनी मुख्यमंत्री देवेंद्र फडणवीस यांची वर्षा निवासस्थानी भेट घेतल्याची चर्चा आहे. (Maharashtra Politics)

या भेटीत सुनेत्रा पवार यांच्याकडे असलेल्या अतिरिक्त खात्याची जबाबदारी संबंधित माजी मंत्र्याला देण्याची विनंती करण्यात आल्याचेही सांगितले जात आहे. मात्र, या चर्चेला अद्याप अधिकृत दुजोरा मिळालेला नाही. (Maharashtra Politics)

राष्ट्रवादीला अर्थखाते पुन्हा मिळणार?

राष्ट्रवादी काँग्रेसच्या वरिष्ठ नेत्यांनी केंद्रीय गृहमंत्री अमित शाह यांचीही भेट घेतल्याची माहिती सूत्रांनी दिली आहे. या भेटीत राष्ट्रवादीला अर्थखाते पुन्हा मिळावे, यासंदर्भात चर्चा झाल्याचा दावा केला जात आहे. (Maharashtra Politics)

या भेटीवेळी राष्ट्रवादीचे प्रदेशाध्यक्ष सुनील तटकरे, प्रफुल्ल पटेल, छगन भुजबळ, समीर भुजबळ, धनंजय मुंडे, हसन मुश्रीफ आणि दिलीप वळसे पाटील उपस्थित होते. (Maharashtra Politics)

मंत्रिमंडळ फेरबदलाच्या चर्चांना वेग

राष्ट्रवादी काँग्रेसच्या कोअर कमिटीची बैठक आणि वरिष्ठ नेत्यांच्या भेटींमुळे मंत्रिमंडळातील संभाव्य फेरबदलाच्या चर्चांना वेग आला आहे. संबंधित माजी मंत्र्याला कोणते खाते मिळणार, राष्ट्रवादीला अर्थखाते पुन्हा मिळणार का आणि मंत्रिमंडळात नेमके कोणते बदल होणार, याबाबत उत्सुकता निर्माण झाली आहे. (Maharashtra Politics)

दरम्यान, मंत्रिमंडळातील संभाव्य नियुक्त्या आणि खातेवाटपाबाबत मुख्यमंत्री किंवा राष्ट्रवादी काँग्रेसकडून अधिकृत घोषणा झाल्यानंतरच या चर्चांना स्पष्टता मिळणार आहे. (Maharashtra Politics)

Maharashtra Politics : एकनाथ शिंदेंना मोठा धक्का; भूमीपूजन केलेला २५ कोटींचा प्रकल्प भाजपकडून रद्द

Maharashtra Politics : मोठी घडामोड..! ‘या भाजपच्या बड्या मंत्र्याच्या विरोधात वॉरंट जारी; महाराष्ट्राच्या राजकारणात खळबळ