Ameesha Patel : अभिनेत्री अमिषा पटेल सध्या दोन कारणांमुळे सोशल मीडियावर चर्चेत आहे. पहिले म्हणजे, तिने पॉप स्टार शकीराचे कौतुक केले आहे आणि दुसरे म्हणजे, तिने नवीन बॉलिवूड स्टार्सवर आपला राग व्यक्त केला आहे.

अमिषाने शकीराच्या वयाबद्दल सोशल मीडियावर एक पोस्ट शेअर केली आहे. जी चाहत्यांमध्ये चर्चेचा विषय बनली आहे. प्रसिद्ध गायिका शकीराने फिफा विश्वचषक २०२६ च्या ‘दाई दाई’ या गाण्याद्वारे जोरदार पुनरागमन केले आहे.

या गाण्यात तिला नायजेरियन गायक बर्ना बॉयने साथ दिली आहे. या गाण्याचा एक व्हिडिओ सोशल मीडियावर व्हायरल होत आहे, ज्यामध्ये शकीरा पिवळ्या रंगाच्या पोशाखात सुंदर नृत्य करताना दिसत आहे.  (Ameesha Patel)

हा व्हिडिओ तिच्या इंस्टाग्राम स्टोरीवर शेअर करत अमिषा पटेलने लिहिले, “व्वा, शकीरा, तू ४९ वर्षांची असूनही अप्रतिम आहेस. तुझे नृत्य, पोशाख आणि लूक तू २५ वर्षांची असतानापेक्षा अधिक हॉट आणि सुंदर आहे.” अशा शब्दांत अमिषाने कौतुक केले आहे.

दुसरीकडे, अमिषाने आजच्या नवीन बॉलिवूड स्टार्स आणि त्यांच्या कार्यशैलीवर टीका केली आहे. अमिषाचे म्हणणे आहे की, आजचे बॉलिवूड कलाकार अभिनय आणि मेहनतीपेक्षा देखावा आणि सोशल मीडिया आणि पीआरवर जास्त अवलंबून असतात.  (Ameesha Patel)

हे वर्ष २०२६ आहे, २००० नाही. आजकाल एका चित्रपटासाठी १०० कोटी रुपये कमावणे ही काही मोठी गोष्ट राहिलेली नाही, असे मत तिने मांडले. आपल्या भूतकाळातील आठवणींना उजाळा देत अमिषा म्हणाली की तिने ‘कहो ना प्यार है’, ‘गदर १’ आणि ‘गदर २’ असे तीन मोठे ब्लॉकबस्टर चित्रपट दिले आहेत, ज्यांनी बॅाक्स अॅाफिसवर मोठा इतिहास रचला.

हेही वाचा : Central Goverment: LPG नियमात पुन्हा बदल ; पाईप गॅस कनेक्शन असणाऱ्यांसाठी महत्वाची बातमी