Cristiano Ronaldo : फिफा विश्वचषक २०२६ स्पर्धा ११ जून २०२६ पासून सुरू होणार आहे. अमेरिका, कॅनडा आणि मेक्सिको यांच्या संयुक्त आयोजनात होणाऱ्या या स्पर्धेत प्रथमच ४८ संघ भाग घेणार आहेत. प्रत्येकी ४ संघ असलेले १२ गट तयार करण्यात आले असून, अंतिम सामना २० जुलै रोजी खेळवला जाईल. पोर्तुगालने या महत्त्वाच्या स्पर्धेसाठी आपला २७ सदस्यीय संघ जाहीर केला आहे. मुख्य प्रशिक्षक रॉबर्टो मार्टिनेझ यांनी केलेल्या घोषणेनुसार, ख्रिस्तियानो रोनाल्डो (Cristiano Ronaldo) सहाव्यांदा फिफा विश्वचषक स्पर्धेत पोर्तुगालचे नेतृत्व करणार आहे. ४१ वर्षीय रोनाल्डो (Cristiano Ronaldo) हा पोर्तुगालचा सर्वकालीन सर्वाधिक गोल करणारा खेळाडू आहे. अनेकांचा विश्वास आहे की, हा त्याचा शेवटचा विश्वचषक असू शकतो. तरीही रोनाल्डो आपल्या कारकिर्दीतील पहिला विश्वचषक विजेतेपद मिळवण्यासाठी पूर्ण तयारीत आहे. दिवंगत डियोगो जोटाचा सन्मान पोर्तुगाल संघात एक भावनिक निर्णय घेण्यात आला आहे. २८ वर्षीय स्टार फुटबॉलपटू डियोगो जोटा याचा कार अपघातात मृत्यू झाला होता. त्याच्या सन्मानार्थ पोर्तुगालने दिवंगत जोटाचा संघात अतिरिक्त सदस्य म्हणून समावेश केला आहे. Cristiano Ronaldo चौथा गोलकीपर नियुक्त फिफा नियमांनुसार एका संघात कमाल २६ खेळाडूंचाच समावेश करता येतो. मात्र पोर्तुगालने २७ सदस्यीय संघ जाहीर केला आहे. यात रिकार्डो वेल्हो याला चौथ्या क्रमांकाचा गोलकीपर म्हणून नियुक्त करण्यात आले आहे. तीन नोंदणीकृत गोलकीपरांपैकी एखाद्याला दुखापत झाल्यास वेल्हो यांना संघात समाविष्ट करता येईल. रोनाल्डो विरुद्ध मेस्सी रोनाल्डो (Cristiano Ronaldo) आपल्या कट्टर प्रतिस्पर्धी लिओनेल मेस्सीसोबत पुन्हा एकदा रोमांचक लढत देण्यासाठी सज्ज झाला आहे. दोघांचाही हा शेवटचा विश्वचषक असण्याची शक्यता आहे. पोर्तुगालचा क गटात समावेश पोर्तुगालचा क गटात समावेश करण्यात आला आहे. या गटात डीआर काँगो, उझबेकिस्तान आणि कोलंबिया (कोलोंबो) या संघांचा समावेश आहे.स्पर्धेच्या नियमांनुसार, प्रत्येक गटातील पहिले दोन संघ ३२ संघांच्या राउंड ऑफ १६ मध्ये प्रवेश करतील. त्यानंतर उपांत्यपूर्व फेरीपर्यंतचे सामने होणार आहेत. फिफा विश्वचषक २०२६ साठी पोर्तुगालचा संघ: गोलरक्षक : डिओगो कोस्टा, जोस सा, रुई सिल्वा; रिकार्डो वेल्हो बचावपटू : डिओगो डालोट, मॅथ्यूस नुनेस, नेल्सन सेमेडो, जोआओ कॅन्सेलो, नुनो मेंडेस, गोंकालो इनासिओ, रेनाटो वेगा, रुबेन डायस, टॉमस अरौजो मिडफिल्डर : रुबेन नेव्हस, सॅम्युअल कोस्टा, जोआओ नेव्हस, विटिन्हा, ब्रुनो फर्नांडिस, बर्नार्डो सिल्वा फॉरवर्ड्स : जोआओ फेलिक्स, फ्रान्सिस्को त्रिंकाओ, फ्रान्सिस्को कॉन्सेकाओ, पेड्रो नेटो, राफेल लिओ, गोंकालो गुएडेस, गोंकालो रामोस, ख्रिस्तियानो रोनाल्डो, डिओगो जोटा पोर्तुगालने मजबूत संघ जाहीर करत विश्वचषकात चांगली कामगिरी करण्याची आणि इतिहास घडवण्याची इच्छा व्यक्त केली आहे. रोनाल्डोच्या नेतृत्वाखाली पोर्तुगालचा हा संघ कसा कामगिरी करतो, याकडे संपूर्ण फुटबॉल रसिकांचे लक्ष लागले आहे.
