Ketan Agrawal Murder Case : लोहगडावर केतन अग्रवाल यांच्या मृत्यू प्रकरणात दररोज नवे खुलासे समोर येत असून, आता तपासाला आणखी एक महत्त्वाचा अँगल मिळाला आहे. आरोपी सिया गोयल हिने खुनाच्या कटात स्वेच्छेने सहभाग घेतला होता की तिचा प्रियकर चेतन चौधरी याने तिला ब्लॅकमेल करून या कटात सहभागी होण्यास भाग पाडले होते, याचा तपास पोलीस करत आहेत. या संदर्भात डिजिटल पुरावे, कॉल रेकॉर्ड आणि मेसेजची पडताळणी सुरू आहे. (Ketan Agrawal Murder Case)

ब्लॅकमेल करून कटात सहभागी केलं का?

सूत्रांच्या माहितीनुसार, चेतन चौधरीने सियासोबतचे रेकॉर्ड केलेले कॉल, खासगी मेसेज आणि त्यांच्या नात्याशी संबंधित माहितीचा वापर करून तिला धमकावले होते का, याचा तपास सुरू आहे. सियाने खुनाच्या कटात सहभागी होण्यास नकार दिल्यास तिचे आणि चेतनचे प्रेमसंबंध अग्रवाल कुटुंबासमोर उघड करण्याची धमकी दिली होती का, याचाही शोध पोलीस घेत आहेत. (Ketan Agrawal Murder Case)

मे महिन्यातील अपयशी प्रयत्नाचाही तपास

पोलिसांच्या तपासात मे महिन्यात केतनची हत्या करण्याचा पहिला प्रयत्न झाल्याची बाब समोर आली आहे. त्या प्रयत्नात सियाचा सहभाग होता का आणि त्याच गोष्टीचा आधार घेत चेतनने तिला पुढील कटात सहभागी राहण्यासाठी दबाव टाकला होता का, याची पडताळणी सुरू आहे. (Ketan Agrawal Murder Case)

प्रेमासाठी नव्हे, संपत्तीसाठी कट?

तपासात आणखी एक महत्त्वाचा मुद्दा समोर आला आहे. सुरुवातीला चेतनची योजना सियासोबत पळून जाण्याची होती. मात्र नंतर केतनच्या कुटुंबाची मोठी आर्थिक संपत्ती आणि सामाजिक प्रतिष्ठा लक्षात घेऊन हत्या करण्याचा निर्णय घेण्यात आला होता का, याचाही तपास पोलीस करत आहेत. या प्रकरणात आर्थिक व्यवहार झाला होता का, यासाठी सियाच्या बँक खात्यांचीही चौकशी सुरू आहे. (Ketan Agrawal Murder Case)

सियाकडून चेतनला आर्थिक मदत?

सूत्रांच्या माहितीनुसार, चेतनच्या प्रवासाचा खर्च, कपडे आणि हत्येच्या प्रयत्नाशी संबंधित खर्चासाठी सियाने आर्थिक मदत केली होती का, याचा तपास सुरू आहे. तसेच पहिला प्रयत्न अयशस्वी झाल्यानंतर चेतनने सियाकडे मोठ्या रकमेची मागणी केली होती का, किंवा लग्न मोडल्यास दरमहा किंवा एकरकमी रक्कम देण्याचे आश्वासन सियाने दिले होते का, याचाही तपास केला जात आहे. (Ketan Agrawal Murder Case)

रोख रक्कम काढल्याचा तपास

18 जून रोजी घटना घडण्यापूर्वी सियाने बँकेतून मोठी रोख रक्कम काढली होती का, याचाही फॉरेन्सिक आणि आर्थिक तपास सुरू आहे. पोलिसांकडून व्यवहारांची माहिती आणि डिजिटल पुरावे तपासले जात आहेत. (Ketan Agrawal Murder Case)

फेब्रुवारीत साखरपुडा, नोव्हेंबरमध्ये लग्न ठरले होते

सिया आणि केतन यांचा फेब्रुवारीमध्ये साखरपुडा झाला होता आणि नोव्हेंबरमध्ये जयपूरमधील एका आलिशान राजवाड्यात विवाहसोहळा आयोजित करण्यात आला होता. यासाठी सुमारे 17 कोटी रुपयांचे बुकिंग तसेच पाहुण्यांसाठी खासगी विमानांची व्यवस्था करण्यात आल्याची माहिती समोर आली आहे. मात्र त्याआधीच लोहगडावर घडलेल्या घटनेने सर्वांनाच धक्का बसला. (Ketan Agrawal Murder Case)

पहिला प्रयत्न फसला, दुसऱ्या प्रयत्नात हत्या

तपासानुसार, 14 जून रोजीही केतनला दरीत ढकलण्याचा प्रयत्न करण्यात आला होता. मात्र तो झुडपाला धरून बचावला. त्यानंतर सियाने साप दिसल्याचे नाटक करून प्रकार अपघाती असल्याचा आभास निर्माण केला. काही दिवसांनी पुन्हा लोहगडावर जाण्याचा बेत आखण्यात आला आणि यावेळी चेतन चौधरीलाही घटनास्थळी बोलावण्यात आले. त्यानंतर दोघांनी मिळून केतनला दरीत ढकलल्याचा आरोप आहे. (Ketan Agrawal Murder Case)

सध्या या प्रकरणाचा तपास अनेक नव्या अंगांनी सुरू असून, ब्लॅकमेल, आर्थिक व्यवहार आणि कटामध्ये आणखी कोणाचा सहभाग होता का, याचा शोध पोलीस घेत आहेत. अंतिम निष्कर्ष तपास पूर्ण झाल्यानंतरच स्पष्ट होणार आहे. (Ketan Agrawal Murder Case)

Ketan Agrawal Murder Case : केतन हत्याकांडात नवा ट्विस्ट! सिया-चेतनच्या कटात आणखी एकाचा सहभाग? भावाची पोलिसांकडून चौकशी

Ketan Agrawal Case : मुलीच्या कृत्याने मोठा धक्का; वडिल ICU मध्ये दाखल, आईची संतप्त प्रतिक्रिया म्हणाल्या “तिलाही…”