CJP Protest : दिल्लीतील जंतर-मंतरवर सुरू असलेल्या कॉक्रोच जनता पार्टी (CJP)च्या आंदोलनादरम्यान आज सरकार आणि सीजेपीच्या शिष्टमंडळामध्ये महत्त्वपूर्ण बैठक पार पडली. केंद्रीय मंत्री जे. पी. नड्डा आणि डॉ. जितेंद्र सिंह यांच्यासोबत जवळपास एक तास चर्चा झाली. या बैठकीत सीजेपीने सरकारसमोर तीन प्रमुख मागण्या मांडल्या. (CJP Protest)

मिळालेल्या माहितीनुसार, सरकारने सीजेपीच्या तीनपैकी दोन मागण्या मान्य केल्याचे सांगितले जात आहे. मात्र, केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी अद्याप मान्य करण्यात आलेली नाही. याच मुद्द्यावर दोन्ही बाजूंमध्ये अद्याप एकमत झालेले नसल्याची माहिती आहे. (CJP Protest)

CJP Protest: NEET पेपरफुटीवर मोदींच्या घोषणेनंतर सीजेपीची पहिली प्रतिक्रिया; ‘जलदगती न्यायालये स्वागतार्ह, पण…’

सीजेपीने धर्मेंद्र प्रधान यांच्या राजीनाम्याच्या मागणीवर ठाम भूमिका कायम ठेवली असून, या मागणीशिवाय आंदोलन मागे घेतले जाणार नसल्याचे स्पष्ट केले आहे. दरम्यान, सरकारने या विषयावर अंतिम निर्णयासाठी उद्या दुपारपर्यंतची मुदत मागितल्याचे सांगितले जात आहे. त्यानंतर सीजेपीला अधिकृत भूमिका कळवली जाणार असल्याचे समजते. (CJP Protest)

 

या घडामोडींमुळे धर्मेंद्र प्रधान यांच्या राजीनाम्याबाबत विविध तर्क-वितर्कांना उधाण आले आहे. मात्र, सध्या त्यांच्या राजीनाम्याबाबत कोणतीही अधिकृत घोषणा झालेली नाही. त्यामुळे “उद्या राजीनामा देणार” हा दावा अद्याप अधिकृतरीत्या पुष्टी झालेला नसून, तो चर्चेत असलेली शक्यता म्हणूनच पाहिला जात आहे. सरकारच्या अंतिम भूमिकेनंतर आंदोलनाची पुढील दिशा आणि धर्मेंद्र प्रधान यांच्या राजीनाम्याबाबतचे चित्र अधिक स्पष्ट होण्याची शक्यता आहे. (CJP Protest)

CJP Protest : अभिजीत दीपके आणि टीमला अटक होणार? दीपकेंच्या दाव्याने राजकीय वर्तुळात खळबळ

CJP Protest: CJP नेत्यांनी सरकारशी वाटाघाटी करण्यास दिला नकार ; आधी घातली अट आता का फेटाळला चर्चेचा प्रस्ताव?