Ketan Agarwal Case : पुण्यातील केतन अगरवाल हत्या प्रकरणाच्या तपासात आता पहिल्यांदाच बीड कनेक्शन समोर आले आहे. या प्रकरणात आतापर्यंत सिया गोयल आणि चेतन चौधरी यांची नावे चर्चेत असताना, आता बीड जिल्ह्यातील एका तरुणाचे नाव तपासात पुढे आले आहे. त्यामुळे या हत्याकांडाच्या तपासाला नवे वळण मिळाले आहे. (Ketan Agarwal Case)

तपास यंत्रणांकडून मिळालेल्या माहितीनुसार, संबंधित तरुण हा मुख्य आरोपी चेतन चौधरीचा वर्गमित्र असून, केतन अगरवाल यांच्या हत्येचा कट रचला जात असताना त्याला त्याची माहिती होती. चेतन चौधरी आणि सिया गोयल यांनी हत्येच्या नियोजनाबाबत त्याच्याशी चर्चा केल्याची माहितीही तपासातून समोर आली आहे. (Ketan Agarwal Case)

सूत्रांच्या माहितीनुसार, सिया आणि चेतन यांनी या तरुणाला १८ जून रोजी लोहगडावर येण्याचाही आग्रह केला होता. मात्र, तो त्या दिवशी लोहगडावर गेला नसल्याचे प्राथमिक तपासात स्पष्ट झाले आहे. त्यामुळे प्रत्यक्ष घटना घडली तेव्हा तो घटनास्थळी उपस्थित नव्हता, अशी माहिती समोर आली आहे. (Ketan Agarwal Case)

Ketan Agarwal Case : अग्रवाल प्रकरणात मोठी अपडेट; केतनला ढकलण्याधी सियाने चेतनला 1 कोटी दिले

तपासातील आणखी एक महत्त्वाचा मुद्दा म्हणजे, केतन अगरवाल यांचा मृत्यू झाल्यानंतर चेतन चौधरी सर्वप्रथम याच मित्राला भेटल्याचे उघड झाले आहे. या भेटीत नेमकी काय चर्चा झाली, चेतनने त्याला काय सांगितले आणि त्याला या कटाची कितपत माहिती होती, याचा तपास पुणे ग्रामीण पोलीस करत आहेत. (Ketan Agarwal Case)

संबंधित तरुण हा मूळचा बीड जिल्ह्यातील रहिवासी असून सध्या पुण्यातील बालेवाडी परिसरात राहून एका खासगी कंपनीत नोकरी करत असल्याची माहिती समोर आली आहे. पुणे ग्रामीण पोलिसांनी त्याला ताब्यात घेऊन सखोल चौकशी सुरू केली आहे. (Ketan Agarwal Case)

तपासादरम्यान या तरुणाने सिया आणि चेतन या दोघांना “केतनचा खून करू नका” असा सल्ला दिल्याची माहितीही समोर आली आहे. मात्र, त्यानंतर त्याने ही माहिती कोणाला दिली होती का, कट रोखण्यासाठी काही प्रयत्न केले होते का, तसेच आरोपींशी त्याचे नेमके संबंध काय होते, याचा शोध पोलीस घेत आहेत. (Ketan Agarwal Case)

या नव्या खुलाशामुळे केतन अगरवाल हत्या प्रकरणातील तपासाची व्याप्ती आणखी वाढली असून, आगामी काळात या प्रकरणात आणखी काही महत्त्वाचे खुलासे होण्याची शक्यता तपास यंत्रणांनी व्यक्त केली आहे. (Ketan Agarwal Case)

Ketan Agarwal Case : केतन अग्रवाल प्रकरणात नवा ट्विस्ट; चेतनचा वर्गमित्र पोलिसांच्या ताब्यात, मोठी माहिती समोर

Ketan Agarwal Case : कटात तिसऱ्या व्यक्तीचा सहभाग? केतन अग्रवाल प्रकरणात मोठी अपडेट समोर